Կրթահամալիրի Գեղարվեստը

Մեր «Գեղարվեստը կրթահամալիրում» անունը ստացած, տարիներով ձևավորված բաց հանրային համակարգը՝ իր շուրջտարյա գործունեությամբ… Բազմաճյուղ գեղարվեստ՝ կերպարվեստի, երաժշտության, կինո-ֆոտոյի, թատրոնի, գրականության, զարդակիրառական ուղղություններով, դրանց հանրակրթական, այդ թվում՝ նաև սովորողի ընտրությամբ ու լրացուցիչ դասընթացներով, ակումբներով, համերգներով ուսուցմամբ, պարբերական ցուցադրություններով, օրացույցով ավանդույթի ուժ ստացած նախաձեռնություններով-ծեսերով-տոնախմբությամբ, մեդիա ու ֆիզիկական միջավայրում, գեղագիտական-հետաքրքիր-շարունակական-թափանցիկ միջավայրով, ներառական արհեստանոց-արվեստանոցային ամբողջական համակարգով, գործող-հայտնի մասնագետներով… Բոլոր տարիքի սովորողների՝ սեբաստացի թե ոչ սեբաստացի, մեծահասակների համար՝ ծանոթ-անծանոթ, կրթահամալիրում թե արտագնա… Սա եմ ես անվանում հակաբացիլ անճաշակության… անշարժության… որովհետև ամեն գեղարվեստ… շարժման մեջ կպարտակվի…
Աշոտ Բլեյան

Երևանի «Մխիթար Սեբաստացի» կրթահամալիրի Գեղարվեստը հայտարարում է 2017-2018 ուսումնական տարվա ընդունելություն

Գեղարվեստի ուսուցումը կազմակերպվում է կրթահամալիրի երաժշտության և պարի,  գեղարվեստի ուսումնական կենտրոններում, «Սեբաստացի» TV-ում՝  սովորողի անհատական ուսումնական պլանով հանրակրթությական ծրագրի շրջանակում (սովորողի ընտրությամբ դասընթաց, գործունեություն, ակումբ, ուսումնական նախագիծ), որպես լրացուցիչ կրթություն, որպես միջին մասնագիտական, նախնական մասնագիտական կրթություն։

Ուսուցումը՝ անհատական, խմբային, նախագծային, ակումբում, ստուդիայում, ավեստանոց-արհեստանոց-լաբորատորիաների արդիական միջավայրում, ցուցասրահ-թանգարան-համերգասրահներում, պլեներներով, համերգ-ներկայացումներով, հանդիպումներով։

Դասընթացները ղեկավարում են գործող-ցուցադրվող-կատարող արվեստագետներ։ Ուսուցման արդյունքները պարբերաբար ներկայացվում-հանրայնացվում են անհատական, խմբային, կրթահամալիրային համերգ-ցուցադրություն-ներկայացումներով՝ ամենամսյա, կիսամյակային, ամենամյա։

Սովորողի հանրակրթությունը կազմակերպվում է կրթահամալիրի Գեղարվեստի (Հյուսիսային) դպրոց-պարտեզում (1-5-րդ դասարան), Միջին դպրոցում (6-8-րդ դասարան), Ավագ դպրոցում (9-12-րդ դասարան), միջին մասնագիտական ուսուցման Քոլեջում։ 

Գեղարվեստի ուսումնական կենտրոնում (Րաֆֆու 69/1, 093 80 58 13)՝

• Գունանկար
• Գծանկար
• Քանդակ
• Կոմպոզիցիա և դիզայն
• Համակարգչային գրաֆիկա և դիզայն
• Անիմացիա
• Թատրոն
• Մոդելավորում

«Սեբաստացի» TV-ում (Րաֆֆի 57, 055 20 12 93)՝

• Լուսանկարչություն
• Օպերատորություն

Երաժշտության և պարի ուսումնական կենտրոնում (Ա. Բաբաջանյան 25, 098 91 99 20)՝

• Դաշնամուր
• Ջութակ
• Թավջութակ
• Կիթառ
• Ֆլեյտա
• Վոկալ
• Երգչախումբ (մանկական, պատանեկան)
• Սոլֆեջիո
• Ազգային պարեր
• Դասական պարեր

Երևանի «Մխիթար Սեբաստացի» կրթահամալիր
Տնօրեն՝ Աշոտ Բլեյան

Հակաբացիլ անշարժության՝ բազմաճյուղ գեղարվեստ՝ կերպարվեստի, երաժշտության, կինո-ֆոտոյի, թատրոնի, գրականության, զարդակիրառական ուղղություններով, հանրակրթական դասընթացներով։ Բոլոր տարիքի սովորողների՝ սեբաստացի թե ոչ սեբաստացի, մեծահասակների համար՝ ծանոթ-անծանոթ, կրթահամալիրում թե արտագնա...