Մանկավարժության ամառային ճամբար

Մանկավարժության ամառային ճամբարը բաց է՝ կազմված մանկավարժների (կրթահամալիրի և հանրապետության այլ դպրոցների), մանկավարժ աշխատել ցանկացողների խառը ջոկատներից: 

Ճամբարը կազմակերպվում է հունիսի 20-ից հունիսի 26-ը և հուլիսի 4-ից հուլիսի 10-ը: Ոչ կրթահամալիրցին մասնակցության համար լրացնում է  մասնակցության հայտը և անում է համապատասխան մուծում (ուղեգրի արժեքը՝ 15 000 դրամ):
Ճամբարի մասնակիցն ունենում է մարզահագուստ, լողազգեստ, անհատական նեթբուք-նոթբուք կամ համարժեք այլ թվային գործիք:

Մանկավարժության ճամբարի գործունեության ուղղություններն են.

1. Ուսումնական նախագծեր: Դրանց իրականացման փուլերը.

• խնդրի ձևակերպում
• նախագծում
• ընթացք
• արդյունքներ
• գնահատում:

2. Մարզական գործունեություն

• Լող
• Հեծանիվ
• Մարմնամարզություն
• Ռազմամարզական խաղեր

3. Երաժշտություն-երգ-պար
4. Երկօրյա Ճամփորդություն

Ջոկատի գործունեության կազմակերպիչը ջոկատի ղեկավարն է: Ջոկատը ղեկավարելու համար կարող են լինել ինքնառաջադրումներ:

Մանկավարժության ճամբարի ջոկատի ղեկավարի աշխատակարգ

Ջոկատի ղեկավարը.

• Կազմում է իր ջոկատը՝ 10 մանկավարժ կրթահամալիրից (ցանկալի է տարբեր օղակներից), 1-2 մանկավարժ այլ հաստատություններից և կրթահամալիրում աշխատել ցանկացողներից:
• Տարածում է տեղեկատվություն՝ իր ջոկատում ոչ կրթահամալիրցիներ ներառելու համար:
• Ներկայացնում է նախագծային ուսուցման մանրամասն ծրագիր մոդուլների տեսքով՝ ըստ օրերի, ըստ ժամերի:
• Սեմինար պարապմունքը կազմակերպում է՝ գործածելով գործունեության կազմակերպման արդյունավետ  մեթոդներ:
• Կազմակերպում է իր ջոկատի՝ ճամբարի ծրագրով նախատեսված մյուս գործունեությունները:
• Մյուս ջոկատիների ղեկավարների հետ կազմում է արտագնա 2-օրյա ճամբարի միասնական ծրագիրը:
• Կատարում է իր ջոկատի անդամների ներկա-բացական:
• Բնութագրում է իր ջոկատի՝ կրթահամալիրում աշխատել ցանկացողին:

Մանկավարժության ճամբարը կազմակերպվում է «Մխիթար Սեբաստացի» կրթահամալիրի տարածքում: Ճամբարի վերջին երկու օրը կազմակերպվում է արտագնա` Սևանի «Ժայռ» ուսումնամարզական ճամբարում:
Մարզերից եկողները սահմանված կարգով կարող են օգտվել կրթահամալիրի կացարաններից:

Ճամբարի հայտարարությունը