Կրթահամալիրի փոխտնօրեն, ավագ դպրոց-վարժարանի ղեկավար Գևորգ Հակոբյանի աշխատանքային պայմանագրում իր նախաձեռնությամբ կատարվել է փոփոխություն. ս.թ. մայիսի 2-ից նա դադարել է ավագ դպրոց-վարժարանի ղեկավարի պարտականությունները կատարելուց: Նկատի ունենալով դա.
- Գևորգ Հակոբյանին հայտնել շնորհակալություն «Ստեղծողի դպրոց. Ավագ դպրոց-վարժարան» ծրագրի կազմակերպման ուղղությամբ կատարած էական աշխատանքի համար, աշխատանք, որ հնարավոր է ու կշարունակվի 2011-2012 ուստարում: Այդ ավանդի համար նրան պարգևատրել 50.000 դրամով:
- Առաջարկել կրթահամալիրի տնօրենի ուսումնահետազոտական աշխատանքների գծով փոխտնօրեն Գևորգ Հակոբյանին մանկավարժության կենտրոնի ղեկավար Սուսան Մարկոսյանի հետ մեկ շաբաթվա ընթացքում ներկայացնել առաջարկներ ուսումնահետազոտական-մեթոդական աշխատանքների արդյունավետությունը նկատելի բարելավելու, մեդիահանրակրթության ծրագրերը և ուսումնական նյութերը մինչև նոր ուսումնական տարվա սկիզբը պատշաճ մշակելու, բազմացնելու, ուսուցիչների պատրաստվածությունը համապատասխան դարձնելու նպատակով:
- Ս.թ. մայիսի 2-ից ավագ դպրոց-վարժարանի ղեկավարի պարտականությունները ստանձնում եմ ես:
Կրթահամալիրի տնօրեն` Ա. Բլեյան
