ՀՐԱՄԱՆ N 16-030
27.01.2016թ.
Կրթահամալիրի գործընկեր «Կրթասեր» հասարակական կազմակերպության միջոցով կրթահամալիրի «Տիեզերք» ակումբը 2016 թ. հուլիսի 24-30-ի համար ստացել է Իզմիրի միջազգային տիեզերագիտական ճամբարի մասնակցության հրավերը և 12 սովորողի կրթաթոշակ։ Մասնակցությունը պատշաճ ապահովելու նպատակով.
- ճամբարի նախապատրաստական աշխատանքը համարել ուսումնական նախագիծ՝ նախագծի խմբի ձևավորում.
- սովորողների և ղեկավարների համար անգլերենի, թուրքերենի, տիեզերագիտության լրացուցիչ ուսումնական պարապմունքների կազմակերպում,
- ուսումնական-հայրենագիտական ճամփորդության ծրագրի և նախահաշվի ստեղծում (հիմնվելով նախորդ տարվա նախահաշվի վրա),
- ճամբարում ներկայացվող մշակութային ծրագրի ստեղծում և նախապատրաստում,
- հուշանվերների, ճամբարում գործաածելու համար՝ ազգային խոհրդանիշների, կրթահամալիրի և Հայաստանի մասին պատմող ֆիլմերի պատրաստում
- նախագծի համակարգող նշանակել Լուսինե Բուշին, ղեկավարներ՝ Անահիտ Մելքոնյանին, Նվարդ Սարգսյանին.
- հանձնարարել համակարգողին.
- մինչև հունվարի 30-ը Իզմիրի տիեզերագիտական ճամբար ուղարկել մասնակիցների խմբի ղեկավարների տվյալները,
- պատշաճ պատրաստել և մինչև փետրվարի 20-ը փոստով ճամբար ներկայացնել սովորողների համար անհրաժեշտ բոլոր փաստաթղթերը.
- հանձնարարել ուսումնական նախագծի ղեկավարներին դրա իրականացման համար համագործակցել կրթահամալիրի բնագիտության, օտար լեզուների, հասարակագիտության, երաժշտության-պարի, տեխնոլոգիայի դասավանդողների հետ.
- նախագծի ղեկավարների ներկայացմամբ փետրվարի 5-ին հաստատել ուսումնական նախագծի աշխատակարգը և ժամանակացույցը.
- նախագծի աշխատանքը սահմանված կարգով ներառել մասնակից մանկավարժական աշխատողների անհատական աշխատանքային պլանում։
Կրթահամալիրի տնօրեն` Ա. Բլեյան
