Հունվարի 26-ին Գեղարվեստի ցուցասրահում կայացավ «Ֆինանսական գրագիտություն» նախագծով առաջին պարապմունքը, որը վարում էին Էմիլի Թոմփսոնը և Կելվին Կին Կան Չունը: Պարապմունքից առաջ Կելվինի և Էմիլիի համար հետաքրքիր էր զրույցի բռնվել մեր սովորողների հետ, պարզել նրանց հետաքրքրությունները, ապագայի հետ կապված ծրագրերը: Էմիլին ներկայացրեց ֆինանսական հաստատությունների, կրեդիտ քարտերի և դրամի արժեզրկման մասին փոքրիկ տեղեկատվություն: Կելվինը բացատրեց, թե ինչպես են շահույթ ստանում տարադրամի փոխանակման կետերում: Պարապմունքի վերջում Կելվինը սովորողներին բաժանեց ֆինանսական գրագիտության մակարդակը որոշող ախտորոշիչ թեստեր, որոնք սովորողները ինքնուրոյն լրացրեցին: Դասընթացի վերջում նրանց նորից կտրվեն նմանատիպ թեստեր, որպեսզի պարզեն, թե ինչ գիտելիք են ձեռք բերել մեկ ամսվա ընթացքում:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
