«Մխիթար Սեբաստացի» կրթահամալիրի մասնաճյուղ ուսումնական հաստատության սովորողների խորհուրդ

Կրթահամալիրի ներքին կարգապահական կանոնների հավելված

«Մխիթար Սբաստացի» կրթահամալիրը իր հեղինակային կրթական ծրագրի ստեղծում, իրականացնում և տարածում է սովորողների անմիջական մասնացությամբ: Սովորողների ինքնավարությունը խթանելու, կրթահամալիրի և մասնաճյուղի առջև կանգնած խնդիրներին նրանց ակտիվ մասնակից դարձնելու, նրանց մոտ քաղաքացիական կենսաձև զարգացնելու նպատակով կրթահամալիրի մասնաճյուղի սովորողները ստեղծում են սովորողների խորհուրդ: 

Մասնաճյուղի ղեկավարը և դասավանդողները աջակցում են սովորողների խորհրդի աշխատանքին:

Սովորողների խորհուրդը.

• կազմակերպում է իր աշխատակարգը, որը չի հակասում օրենսդրությանը, կրթահամալիրի կանոնադրությանը, կրթահամալիրի ներքին կարգապահական կանոններին
• կազմակերպում է սովորողների մասնակցությունը կրթահամալիրային և մասնաճյուղի միջոցառումներին
• կազմակերպում է սովորողների մասնակցությունը հեղինակային կրթական ծրագրի մշակման աշխատանքներին
• կազմակերպում է սովորողների մասնակցությունը կրթահամալիրում իրականացվող կրթական հեղինակային ծրագրի տարածմանը
• սովորողներին հուզող կրթական հարցեր է ներկայացնում մասնաճյուղի ղեկավարին, կրթահամալիրի տնօրենին
• մասնակցում է սովորողի և դասավանդողի անհատական հարցի քննարկմանը.
• Քոլեջի, Ավագ դպրոցի սովորողների խորհուրդներն ընտրում են կրթահամալիրի կառավարման խորհրդում իրենց ներկայացուցիչներին:

Սովորողների խորհուրդը աշխատանքները կազմակերպում է հավաքի և առցանց քննարկման միջոցով, որոնց կարող են ներգրավել մասնաճյուղի, կրթահամալիրի առանձին աշխատողների: Խորհրդի նիստերը բաց են: Նիստի օրը, ժամը, տեղը, օրակարգը և ներկայացվող նյութերը հրապարակվում են նախօրոք: Հրապարակված նյութերին ծանոթանալը և արձագանքելը պարտադիր է խորհրդի բացակա անդամների համար: Սովորողների խորհրդի աշխատանքը լուսաբանվում է մասնաճյուղի ենթակայքում։