Մեր ճամփորդության երկրորդ օրն է, բայց մենք հասցրել ենք արդեն տեսնել շատ վայրեր: Այսօր առավոտյան արթնանալուց հետո գնացինք մարմնամարզություն անելու: Արեցինք վարժություններ ու վազեցինք բնության գրկում, որն ի դեպ առաջացնում էր թռչելու ցանկություն, ակամայից ուզում էիր ճախրել դեպի վեր՝ դիպչելով երկնքին, ուզում էիր երգել կամ գոռալ:
Մարզվելուց հետո գնացինք նախաճաշելու: Ամբողջ նախաճաշը գյուղից էր՝ կաթ, հաց, պանիր, ձու: Գյուղի ուտելիքը պնդացրեց մեր ձեռքերն ու ոտքերը, և մենք գյուղի երեխաների հետ քայլեցինք դեպի Աղավնավանք: Նրանք բարի ու հետաքրիր էին, անդադար ուզում էիր հարցեր տալ, խաղալ ու խոսել: Ձեռք բերեցի նոր ընկերներ, որոնց արդեն շատ եմ սիրում՝ Կատյան և Նառան:
Չմոռանամ ասել, որ մենք մեզ այստեղ շատ լավ ենք զգում և ուզում ենք մեկ օր ավել մնալ:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
