Ես ցանկանում եմ, որ դու լավ հասկանաս, թե ես ինչպես եմ նայում արվեստին: Արվեստում ճշմարտության հասնելու համար պետք է շատ և երկար աշխատել: Ես ուզում եմ այնպիսի նկարներ նկարել, որոնք կանհանգստացնեն և կհուզեն մարդկանց: Կարճ ասած, ես ուզում եմ, որ իմ գործերի մասին ասեն`«այս մարդը խո'րն է զգում, այս մարդը նու'րբ է զգում» նույնիսկ իմ կոպտության ժամանակ:
Ո՞վ եմ ես հասարակության կարծիքով: Խենթ, ոչ ոք, տհաճ մարդ, ես չունեմ և չեմ էլ ունենա դիրք հասարակության մեջ. մեկ բառով` ոչնչություն ոչնչությունից: Համարելով, որ այս ամենը ճշմարիտ է, ես ուզում եմ ցույց տալ, թե ինչ կա խենթ ոչնչության ներսում: Սա է իմ ձգտումը:
Որքան էլ հաճախ ես լինեմ անբախտ, միևնույն է իմ մեջ միշտ կա լուռ, մաքուր ներդաշնակություն և երաժշտություն: Ցանկացած խրճիթում կամ կեղտոտ անկյունում, ես տեսնում եմ նկարների թեմաներ, և ինձ անհաղթահարելիորեն ձգում են դրանք: Արվեստը պահանջում է անդադար աշխատանք:
Համառություն ասելով, ես նկատի ունեմ ոչ միայն երկար աշխատելու, այլ նաև մյուսների ճնշման տակ սեփական համոզմունքներից չհրաժարվելու ունակությունը:
Ես հույս ունեմ, որ մի քանի տարի հետո և, միգուցե, հենց հիմա, դու կտեսնես ինձ մոտ այնպիսի բաներ, որոնք կպարգևատրեն բոլոր զոհողություններիդ դիմաց:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
