Այսօր կայացավ մանկավարժական աշխատողների ամենշաբաթյա միասնական սեմինարը, որը բաժանված էր խմբերի: Այս խմբի սեմինարավարներն էին Վեներա Խառատյանը և Անահիտ Եղյանը: Ներկայացվեցին բնագիտական առարկաների դասավանդման նախագծային մեթոդները: Ուսուցման մեթոդը մանկավարժական գործունեության մի միջոց է, հնար, հիմնական գործիք, որով իրականացվում է դասավադողի և սովորողի համագործակցությունը՝ ուղղված ուսումնառության նախանշված արդյունքին: Նախագծային մեթոդն առաջարկում է ավելին, քան ավանդական կրթության և դպրոցի շրջանակը, կենտրոնանում է առօրյա կյանքի խնդիրների լուծման վրա և կարևորում սովորողների հմտությունները և փորձառությունը:
Այնուհետև կրթահամալիրի սովորողները ներկայացրեցին իրենց կողմից իրականացված լավագույն նախագծերը: