Սեբաստացի սովորողներին

Կրթահամալիրի դպրոցների, քոլեջի հարգելի  սովորողներ, կրթահամալիրի տնօրենը՝ տիար Բլեյանը, առաջարկում է կրթահամալիրի տոնի առթիվ ձեր բլոգներում և դպրոցների ենթակայքերում նորից անդրադառնալ 2011թ. այս օրերին ձևակերպված՝ կրթահամալիրի 7 հրաշալիքներին, 7 որակներին և 7 հոմանիշներին, որոնք դրված են կրթահամալիրի զարգացման ծրագրի հիմքում։

• Ի՞նչ լրացումներ ունեք այս ցանկին. առաջարկությունն արեք հիմնավորումներով։
• Գրեք-հրապարակեք ձեր հիմնավորումները՝ համապատասխանո՞ւմ  է կրթահամալիրին ձևակերպումներից յուրաքանչյուրը. օրինակ՝ ինչո՞ւ է կրթահամալիրը  մրջնանոց։
• Գրեք ձեր նկատառումները՝  ի՞նչ է պետք անել, որ այս ցանկությունները դառնան իրականություն, ո՞ր ուղղությամբ աշխատենք, ի՞նչ փոխենք, լրացնենք, որ, օրինակ՝ կրթահամալիրը, դպրոցը, դասարանը ավելի նման դառնան մրջնանոցի։

Ձեր աշխատանքների արդյունքները կամփոփվեն կրթահամալիրի տոնից հետո։

Կրթահամալիրի 7 հոմանիշները

1. Միաբանություն
2. Կրթական պարտեզ
3. Արվեստանոց-արհեստանոց
4. Մրջնանոց
5. Արշավախումբ
6. Ընտանիք
7. Համույթ

Կրթահամալիրի 7 որակները

1. Ոգեղենություն
2. Ստեղծականություն
3. Ուսումնատենչություն
4. Կատարելության ձգտում
5. Համերաշխություն
6. Հոգատարություն
7. Հայրենաշինություն

Կրթահամալիրի կառուցվող 7 հրաշալիքները

1. «Սեբաստիա» մարզահամալիր
2. Նորպարտեզ
3. Տնկարան
4. Դպրոց բնության գրկում
5. Սեբաստացու ճեմուղի
6. Աստղացուցարան
7. Նոր մեդիա