ՀՐԱՄԱՆ N 13-501
Պատանեկան ակումբների հոկտեմբերյան ստեղծագործական բաց հավաքը Արցախի «Գանձասար» ճամբարում կազմակերպելու մասին
19.10.2013 թ.
Կրթահամալիրը Լեռնային Ղարաբաղի Հանրապետության կրթության և գիտության նախարարության հետ Արցախի Վանք գյուղի դպրոցում և «Գանձասար» ճամբարում կազմակերպում է Հայաստանի և Արցախի պատանեկան ակումբների ամենամյա հոկտեմբերյան ստեղծագործական բաց հավաք-ճամբար (այսուհետ` ճամբար): Ճամբարին մասնակցության էլեկտրոնային հայտեր են ներկայացրել Գեղարքունիքի մարզի Ծաղկունքի Բաց դպրոցը, «Տավուշի հոգևոր վերածնունդ» ՀԿ-ն, Արցախի Ստեփանակերտի թ. 8 և թ. 11, Ասկերանի, Շուշիի հիմնական դպրոցի, Նոր Այգեստանի և Վանքի դպրոցները, կրթահամալիրի ուսումնական ակումբները։
Ճամբարի կազմակերպման նպատակով.
- վերը նշված հայտերի հիման վրա հրապարակում եմ ճամբարի մասնակիցների ցուցակը (հավելված 1).
- ճամբարի պետ նշանակել կրթահամալիրի կազմակերպիչ Անահիտ Գևորգյանին, պետի տեղակալ՝ Վանք գյուղի դպրոցի մանկավարժական աշխատող Ռազմիկ Հակոբյանին (ԼՂՀ ԿԳՆ համաձայնությամբ).
- Ճամբարում ինքնավարությունը վերապահել ճամբարի ժողովին և ակումբների ղեկավարների խորհրդին` Մարթա Ասատրյան, Էմանուել Ագջոյան, Յուրա Գանջալյան, Հայկուհի Հովհաննիսյան, Անի Սարգսյան, Միշա Ավդալյան, Արտակ Զարգարյան, Արման Երանոսյան, Սարգիս Ավագյան, Մարթա Ալթունյան, Արմեն Դոլուխանյան, Գայանե Հայրիյան, Արևիկ Շումանյան, Դիանա Գրիգորյան, Անի Գյոզալյան.
- ճամբարի պարուսույց նշանակել Մարիաննա Ասատրյանին (իր համաձայնությամբ), ֆիզղեկ՝ Հայկուհի Հովհաննիսյանին (իր համաձայնությամբ), խոհանոցի պատասխանատու՝ Գայանե Նիկողոսյանին (իր համաձայնությամբ).
- ակումբների աշխատանքային ծրագրերը սահմանված կարգով հրապարակել ակումբների բլոգներում. ընդունել ի գիտություն ճամբարի խորհրդի հաստատած ճամբարի աշխատակարգը (հավելված 2).
- Հայաստանից մասնակիցների մեկնումը` հոկտեմբերի 21-ին, ժամը 8:00, Հարավարևմտյան զանգվածի Սուրբ Երրորդություն եկեղեցու մոտից Երևան-Վարդենիս-Քարվաճառ-Դադիվանք-Վանք-Գանձասար երթուղով, վերադարձը՝ հոկտեմբերի 26-ին` Գանձասար-Ստեփանակերտ-Շուշի-Քաշաթաղ-Երևան երթուղով.
- մասնակիցների տեղափոխումը Երևանից կազմակերպել ՀՀ պաշտպանության նախարարության տրամադրած ՊԱԶ մակնիշի ավտոբուսներով, կրթահամալիրի ԿՎԶ մակնիշի ավտոբուսով.
- ընդունել ի գիտություն, որ ճամբարի արցախցի մասնակիցները ժամանում են ճամբար հոկտեմբերի 21-ին՝ Արցախի ԿԳՆ սահմանած կարգով.
- գիշերումը կազմակերպել ԼՂՀ ԿԳՆ «Գանձասար» ճամբարում (80 տեղ) և Վանք գյուղի սովորողների ընտանիքներում (25 տեղ), սնունդը՝ սովորողների միջոցներով.
- Անահիտ Գևորգյանի պատասխանատվությամբ ճամբարին տրամադրել.
- պրոեկտոր - 2
- նեթբուք – 20
- երկարացման լար - 2
- դինամիկ
- թենիսի պարագաներ
- բարձրախոս
- գնդակ - 3
- դեղատուփ
- դրոշ (եռագույն, կրթահամալիրի)
- հրամանին անհատապես ծանոթացնել մասնակիցներին, նրանց ծնողներին:
Կրթահամալիրի տնօրեն՝ Ա. Բլեյան