Հարգելի գործընկերներ, քննարկման է ներկայացվում կրթահամալիրի «Տիգրան Հայրապետյան» գրադարան-ուսումնական կենտրոնի կառուցվածքի և գործունեության բովանդակության նախագիծը։ Ձեր հարցերը և առաջարկությունները գրանցեք այս էջում` կարծիքների բաժնում։ Առցանց քննարկումը հուլիսի 18-ին` ժամը 20.00-21.30, վարում են Մարի Գաբանյանը, Զարուհի Առաքելյանը, Նոննա Գրիգորյանը, դպրոցների ղեկավարները։
2013-2014 ուսումնական տարի
Նախագիծ
Առաջարկվում է 2013-2014 ուսումնական տարում ունենալ.
- Գրադարան (ղեկավար` Մարի Գաբանյան), որի գործառույթներն են`
- Արտաքին կապեր, համագործակցություն (այլ գրադարանների, հրատարակչությունների հետ աշխատանք)
- Դասագրքերի և ՏՏ միջոցների շրջանառու հիմնադրամի հետ աշխատանք
- Գրադարանի կայք
- Միջին մասնագիտական ուսուցում «Գրադարանային գործ»
- Կրթահամալիրի սովորողների, աշխատողների ուսուցում
- Վերապատրաստման ծառայություններ
- Դպրոցական ընթերցարան. նյութական միջավայրին ներկայացվող պահանջների, աշխատակարգի մշակումներ
- Դպրոցական ընթերցարանների, կաբինետների աջակցություն
- Տպագիր գրականության, կրթահամալիրի գործունեության ֆոնդեր
- Թվանշանային գրադարան (ղեկավար` Զարուհի Առաքելյան), որը հավաքում և հրապարակում է`
- Թվային գրքեր
- Աուդիոգրքեր
- Տեսանյութեր
- Տեսադասեր
- Կրթահամալիրի սովորողների և աշխատողների կողմից թվայնացված ուսումնական գրականություն
- Կրթահամալիրի սովորողների և աշխատողների ստեղծած ուսումնական նյութեր և տեսադասեր
- Դպրոցական ընթերցարաններ` իրենց տպագիր ֆոնդով, ուսումնական թվային միջոցներով։
Կրթահամալիրի դպրոցներից յուրաքանչյուրն ունենում է իր ընթերցարանը։ Արդեն հայտնի է, որ Միջին դպրոցի ընթերցարանը կլինի Միջին դպրոցի 3-րդ հարկում, Ավագ դպրոց-վարժարանի ընթերցարանը` Վարժարանի 2-րդ հարկում։ Մյուս դպրոցներն իրենց ընթերցարանների տեղը ճշտում են կրթահամալիրի տնօրենի հետ։ Սա ապակենտրոնացում է. կրթահամալիրի «Տիգրան Հայրապետյան» գրադարանի տպագիր գրականության և ուսումնական միջոցների պահոցը տարրալուծվում է ընթերցարանների և ֆոնդերի մեջ։ Դպրոցական ընթերցարանը վարում է ընթերցավարը, որին դպրոցի ղեկավարի ներկայացմամբ նշանակում է կրթահամալիրի տնօրենը։
Հուլիս-օգոստոս ամիսներին կրթական ծրագրերի կազմակերպման մեթոդական նկարագրությունների, 2013-2014 ուստարվա դասընթացների և ուսումնական նախագծերի ծրագրերի թվում մշակվում են նաև ընթերցարանների նյութական միջավայրին ներկայացվող պահանջները, աշխատակարգը, աշխատանքի կազմակերպման մեթոդական նկարագրությունը։