«Մխիթար Սեբաստացի» կրթահամալիր
"Mkhitar Sebastatsi" Educomplex
Ներսես Մեծը հոգ էր տանում, որպեսզի Հայոց Եկեղեցու պաշտոնյաները զինվեն գիտությամբ և աստվածային իմաստությամբ: Սուրբ հայրապետը հայտնի էր մեծ աղքատասիրությամբ. նա երբեք ճաշի կամ ընթրիքի չէր նստում առանց սեղանակից ունենալու աղքատներին և կույրերին, անդամալույծներին և ցավագարներին: Սիրում էր անձամբ սպասավորել և դարմանել նրանց:
Սուրբ Խադ եպիսկոպոսը եղել է Ներսես Մեծի անբաժան և հավատարիմ գործակիցը: Նա, շրջելով գավառներով ու բնակավայրերով, ուսուցանում, նաև դարմանում էր մարդկանց: Աստված էլ նրա ձեռքով շատ նշաններ ու հրաշք էր անում և զանազան հիվանդություններ բժշկում:
Եվ ինչպես երկրի վրա էր նա անբաժան Ներսես Մեծից, այնպես էլ մահից հետո նրանց հիշատակները տոնվում են միասին: Հայ Առաքելական եկեղեցին սրբերի շարքը դասելով իր երկու նվիրյալ զավակներին, նրանց հիշատակը միասնաբար տոնում է Կաթողիկե Սբ. Էջմիածնի տոնին հաջորդող շաբաթ օրը՝ հունիսի 8-ին:
