Կրթահամալիրի բոլոր դպրոցներում օտար լեզու դասավանդողների այսօրվա սեմինարը ամբողջովին նվիրված էր թարգմանչական ստուգատեսին: Սեմինարի ընթացքում քննարկվեցին այն կազմակերպչական քայլերը, որոնց իրականացումով մեր թարգմանչական ստուգատեսը վերածվելու է լեզուների տոնի: Որոշվեց, որ սովորողները, դասավանդողները իրենց աշխատանքները ներկայացնելիս խոսելու են այն օտար լեզվով, որով թարգմանչական աշխատանք են կատարել: Թարգմանչական ստուգատեսի տարբեր օրերին մեր գրադարանում հնչելու են ռուսերեն, անգլերեն, վրացերեն, իսպաներեն, գերմաներեն, թուրքերեն, ֆրանսերեն, արաբերեն: Հստակեցվեցին նաև ստուգատեսին ներկայացվող աշխատանքների տեսակները և անվանակարգերին ներկայացվող պահանջները:
Սեմինարի ընթացքում Զարուհի Առաքելյանը կրթահամալիրի կայքի առաջին էջում բացեց "Թարգմանչական ստուգատես" բաժինը, որը պետք է անպայման նշել ստուգատեսին ներկայացվող նոր նյութը կայքում տեղադրելու ժամանակ: Որոշվեց նաև, որ տարվա ընթացքում արված աշխատանքները ներկայացնելիս հարկ է նշել միայն դրանց հղումը: Այն աշխատանքները, որոնք արդեն արվել են այս ամառային ճամբարի ընթացքում և տեղադրվել են միայն ենթակայքերում, հարկավոր է դրանք հղումով բերել առաջին էջ` նշելով թարգմանչական ստուգատես բաժինը:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
