Ամեն ինչ պատրաստ էր, ու ամեն բան ընթանում էր ըստ ծրագրի: Մեր վրաց ընկերները բարեհաջող հասան կրթահամալիր ու տպավորված էլ վերադարձան Թբիլիսի: Վստահ եմ, որ շատ բան ունեն իրենց ընկերներին ու հարազատներին պատմելու:
Արդեն առավոտյան ընդհանուր պարապմունքի առողջ տրամադրությունից էլ պարզ էր, որ ամեն ինչ հրաշալի է անցնելու:
Վրացերենի դասին նրանք մեծ ոգևորությամբ մասնակցեցին, ու հաստատ ուրախացան, երբ լսեցին, որ օտարազգի երեխաները խոսում են իրենց մայրենի լեզվով: Վրացերենի խորացված ուսուցման խմբի երեխաները ոչ պակաս ոգևորությամբ էին պատրաստվել վրաց ընկերներին պատշաճ ներկայանալու համար: Սկզբում պատմեցին մեր բոլոր դպրոցների մասին, հետո ներկայացրին վրացերենի կայքը, մեր ուսումնական նյութերը և այլն, և այլն, իսկ վրաց ընկերները ամենավերջում գրեցին իրենց տպավորությունների մասին, ու, որն ամենակարևորն է, դա արեցին միանգամից նեթբուքերում։ Իհարկե, մենք նրանց օգնեցինք, որ ժամանակն արդյունավերտ օգտագործվի:
Կարծիքները գրելուց հետո նրանք սկսեցին բարձրաձայն կարդալ, իսկ վրացերեն սովորող mskh-ցիները շատ արագ թարգմանեցին փոքրիկների տպավորությունները։ Այդ ամենը եզրափակվեց ասմունքով, թե՛ վրաց փոքրերը, և թե՛ շրջանավարտ Լուսինեն բանաստեղծություններ նվիրեցին մեկմեկու: Դասի ավարտից հետո նրանց էլ ավելի հետաքրքիր անականկալներ էր սպասում, դրանցից մեկ օրինակ ճամփորդությունն էր դեպի Էջմիածին:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
