«Հայ-վրացական հանրակրթական կամուրջներ» ծրագրով ուսումնական ճամփորդություն կազմակերպելու մասին

Հայաստանի և Վրաստանի ԿԳ նախարարությունների հավանությանն արժանացած «Հայ-վրացական հանրակրթական կամուրջներ» ծրագրի գործընկեր Թբիլիսիի թ. 98 դպրոցի տնօրեն Գիորգի Մոմցելիձեն հրավիրել է կրթահամալիրի Գեղարվեստի և վարժարանային ավագ դպրոցների սովորողներին` Թբիլիսիում 2013թ. մարտի 25-30-ը համատեղ իրականացնելու Ջրի համաշխարհային տարվան նվիրված «Ոսկուց էլ թանկ կենսաղբյուր», «Արտ-Թբիլիսի», վրացերենի փորձառություն համատեղ մշակված նախագծերը։  Հրավերը կցվում է։

1. Ուսումնական նախագծերի ղեկավարներ նշանակել Լուսինե Մանուկյանին, Մարթա Ասատրյանին, Ռինա Շագինյանին, ճամփորդության համակարգող` Լուսինե Մանուկյան, օգնական` Էմանուել Ագջոյան։
2. Հաստատել ուսումնական ճամփորդության ծրագիրը (հավելված 1)։
3. Հաստատել ուսումնական նախագծերի մասնակից սովորողների և ուսուցիչների ցուցակները (հավելված 2)։
4. Երևան-Թբիլիսի-Երևան տեղափոխումը կազմակերպել «Սեբաստացիներ» հիմնադրամի միջոցներով Էլիտ-բաս ֆիրմայի Նեոպլան 04 033 մակնիշի ավտոբուսով, վարորդ` Խաչիկ Պոկեյան (հեռ. 077 51 02 16):
5. Մեկնումը` մարտի 25-ին` ժամը 9.00, Սուրբ Երրորդություն եկեղեցու մոտից։
6. Վերադարձը`  մարտի 30-ին` մինչև ժամը 20.00։
7. Մասնակիցների գիշերումը կազմակերպվում է Թբիլիսիի թ. 98 դպրոցի սովորողների և ուսուցիչների ընտանիքներում։
8. Մարի Գաբանյանին` նախագծի ղեկավարների հայտով խմբին հատկացնել անհրաժեշտ ուսումնական միջոցներ։
9. Հրամանին անհատապես ծանոթացնել մասնակիցներին, նրանց ծնողներին:

Կրթահամալիրի տնօրեն`                 Ա. Բլեյան