Ընդունելություն կազմակերպելու մասին

Արցախի Ստեփանակերտի ուսուցիչների 29 հոգիանոց ուխտագնացների խումբը կրթական փոխանակումների ծրագրով 2013թ. մարտի 20-24-ին հյուրընկալվում է կրթահամալիրում.

1. խմբի գիշերակացը կազմակերպել Դպրոց-պարտեզի (պատասխանատու՝ Տաթև Բլեյան) և գեղարվեստի դպրոցի (պատասխանատու՝ Լուսինե Մանուկյան) կրթական փոխանակումների կացարաններում.
2. մարտի 22-24-ին նախաճաշը կազմակերպել Դպրոց-պարտեզում, յուրաքանչյուրին 200-300 դրամի հաշվով.
3. ընթրիքը, յուրաքանչյուրին 300 դրամի հաշվով, ժամը 18:00 կազմակերպել.
   - մարտի 21-ին՝ Գեղարվեստի դպրոցում, (պատասխանատու՝ Լիլիթ Բաբայան),
   - մարտի 22-ին՝ Արհեստների դպրոցում (պատասխանատու՝ Էլեն Թադևոսյան),
   - մարտի 23-ին՝ Նոր դպրոցում (պատասխանատու՝ Լուսինե Փաշայան)
   ընթրիքից հետո ապահովել ծանոթացումը դպրոցին և իրիկնային Երևանին, միավորող պարերի-երգերի ուսուցումը.
4. հայրենագիտական ճամփորդությունների պատասխանատու ճանաչել Շամիրամ Պողոսյանին, Վահե Հովհաննիսյանին և Արմինե Բաբայանին.
5. կրթական ծրագրի կազմակերպման պատասխանատու ճանաչել Նաիրա Նիկողոսյանին.
6. գիշերակացի կազմակերպման վերահսկումը դնել Ռուդիկ Սահակյանցի վրա.
7. Լուսաբանումը՝ info.mskh.am (պատասխանատու՝ Նոյեմ Անդրեասյան):

Հիմք՝ Արցախի ԿԳ նախարարի 19.03.2013թ. թիվ 01-169 նամակը:

Կրթահամալիրի տնօրեն`   Ա. Բլեյան