«Հայաստանի արգելոցներ և ազգային պարկեր» նախագիծ

Նախագիծը մշակված է ՀՀ Բնապահպանության նախարարության հետ։ 

Էկոլոգիական հանրակրթության ծրագիր 

«Հայաստանի արգելոցներ և ազգային պարկեր» նախագիծն իրականացվում է կրտսեր դպրոցում՝ «Ես և շրջակա աշխարհը», հիմնական դպրոցում՝ «Բնագիտություն», «Աշխարհագրություն», ավագ դպրոցում՝ «Էկոլոգիա», «Կենսաբանություն» դասընթացներիշրջանակներում, ինչպես նաև ներառվում են «Էկո-հայրենագիտական», «Բուսաբանի», «Կենդանաբանի» ակումբների, էկոտուրի, կրթահամալիրի ուսումնական օրացույցով անցկացվող հայրենագիտական-էկոլոգիական ստուգատեսներիծրագրերում: Նախագծի նպատակը`հայրենի բնաշխարհի (տեղանքին, բույսերի և կենդանիների տեսակների) ճանաչում, դրա նկատմամբ սիրո և հոգատարության ձևավորում և զարգացում,սովորողների հետազոտական-ստեղծագործական աշխատանքի միջոցով բնապահպանական և արգելոցների և ազգային պարկերի խնդիրների, զարգացման ծրագրերի, հաջողությունների հանրայնացում:

«Հայաստանի արգելոցներ և ազգային պարկեր» նախագծի մեկնարկը արդեն տրված է,և սովորողների փոքր խմբեր արդեն եղել են «Ջրվեժ» անտառպարկում, «Որդան կարմիր» արգելոցում, Իջևանի և Ստեփանավանի դենդրոպարկերում:

Յուրաքանչյուր ճամփորդության ժամանակ սովորողները տվյալ բնության հատուկ պահպանվող տարածքի ռեժիմին համապատասխան, կկազմակերպեն ուսումնական պլեներներ, կկատարեն ճանաչողական, բնապահպանական, տարածքի մաքրման ուսումնական աշխատանքներ, ստեղծագործական աշխատանք: Արգելոցում, նրա աշխատակիցների հետ (նրանց ղեկավարությամբ կամ խնդրանքով) իրականացվող աշխատանք.

• կոմպոստի պատրաստում
• ջերմոցային աշխատանք
• տարբեր բույսերի և  կենդանիների կլիմայավարժեցման գործընթացի ուսումնասիրություն:

Նախագծի իրականացման արդյունքում ձեռքբերվող ուսումնական հմտություններ.

• պարտիզպանի
• էկո-արշավականի
•  ուսումնասիրողի-հետազոտողի

Այցը կլուսաբանվի mskh.am-ում և այլ ԶԼՄ-ներում, այցի արդյունքում կստեղծվեն ուսումնական փաթեթներ, որոնք կներառեն արգելոցի տարածքի բնութագիրը, նկարները, էկոլոգիական հիմնախնդիրները, սովորողների կողմից կատարված աշխատանքները:

Ժամանակացույց

Հայրենագիտական-էկոլոգիական ճամփորդություններ, որ կիրականացվեն ուրբաթ, շաբաթ, կիրակի, տոնական և ուսումնական արձակուրդային օրերին:

Պլեներ – գեղարվեստի ավագ դպրոցի սովորողների ստեղծագործական աշխատանք

• հոկտեմբերի 22-28` Ստեփանավանի «Սոճուտ» դենդրոպարկ
• դեկտեմբերի 29-հունվարի 13` Սևան ազգային պարկ
• մարտի 18-24` Խոսրովի անտառ
• հունիսի 3-9` Շիկահողի պետական արգելոց

«Խոսրովի անտառ», «Շիկահող», «Էրեբունի» պետական արգելոցների տարածքներ մուտք գործելուց առաջ անհրաժեշտ է դիմել ՀՀ բնապահպանության նախարարին։  

Հասմիկ Նալբանդյան

Մարթա Ասատրյան