Անցած ամիս կայացած կրթահամալիրի արհեստակցական միության խորհրդի նիստի օրակարգում քննարկվեց նոր գործընկերներ ձեռք բերելու, միջաազգային կապերը ընդլայնելու հարցը: Որոշվեց համապատասխան քայլեր ձեռնարկել, նամակագրական կապեր հաստատել եվրոպական արհեստակցական և ուսուցչաց միությունների հետ:
Ինչո՞ւ հատկապես եվրոպական: Արհեստակցական միությունները հատկապես ակտիվ են գործում Եվրոպայի զարգացած երկրներում: Նրանք բավական լուրջ կշիռ ու դերակատարություն ունեն նաև երկրի քաղաքական կյանքում:
Մենք նամակով դիմեցին «Նորվեգիայի արհեստակցական միությունների կոնֆեդերացիային», «Անգլիայի արհեստակցան միությունների ասոցացիային» և «Ուսուցիչների համաբրիտանական միությանը»:
Արդեն ունենք «Նորվեգիայի արհեստակցական միության» պատասխան նամակը: Նրանք դրական են համարում աարտաքին դաշտում մեր ակտիվությունը և նոր գործընկերներ գտնելու ցանկությունը: Քանի որ 2012 թվականը արդեն մոտենում է իր, մեզ առաջարկում են համագործակցության սկսել մյուս տարվանից:
«Նորվեգիայի արհեստակցական միության» մասին ավելի մանրամասն ինֆորմացիա ստանալու համար կարող եք այցելել նրանց պաշտոնական կայքը: