Վերապատրաստման երկրորդ օրը սկսեցինք առավոտյան ընդհանուր պարապմունքով: Էլեկտրոնային ընթերցարանի ստեղծումը սկսեցինք դրանց տեսակներին ծանոթանալով: Պայմանավորվեցինք ստեղծել տեսա- ընթերցարան: Ընտրեցինք բանաստեղծությունը, բաժանվեցինք խմբերի: Յուրաքանչյուր խմբի տրվեց համապատասխան քառատողը: Խմբերը նկարեցին համապատասխան քառատողը նկարչական ծրագրում և բնագիրը վերածեցին բարբառի: Երբ պատրաստ էին բարբառային տարբերակները, թվային ձայնագրիչով ձայնագրեցինք դրանք: Իսկ մի խումբը թվային ֆոտոխցիկով լուսանկարում էր Ստեփանակերտի աշունը: Աշխատանքներն ավարտելուց հետո բոլոր նյութերը հավաքեցինք մի թղթապանակում ու ստեղծեցինք ֆիլմ: