Հոկտեմբերի 17-ին ժամը 17:00 գրադարանում տեղի կունենա ճամբարային ծրագրով մեկնողների խմբի և նրանց ծնողների հետ նախնական հանդիպումը: Ներկայումս խմբում կան թափուր տեղեր, ցանկացողները կարող են դիմել ինձ (
[email protected], 055 672643)
:
«Եվրոասիական հրեական կոնգրես» ՀԿ-ն Վրաստանի Սպորտի և երիտասարության նախարարության օժանդակությամբ ծրագրում է Վրաստանում առաջին անգամ անցկացնել «Հանդուրժողականության ակունքները» միջազգային մանկապատանեկան ճամբարը: Ծրագրի նպատակն է մասնակիցներին հաղորդակից դարձնել Վրաստանում բնակվող տարբեր ազգերի մշակույթին, սովորույթներին, ինչպես նաև ներկայանալ և ներկայացնել սեփական ազգի մշակույթը:
Հայաստանցի երեխաները, այդ թվում` կրթահամալիրի երկու սովորողներ, «Հանդուրժողականության ակունքներ» ծրագրին մասնակցել են 2010 թ. Ուկրաինայում:
Ես մասնակցել եմ այս տարվա «Հանդուրժողականության ակունքները» ճամբարի նախագծի նախապատրաստական
սեմինարին: Հայաստանից մասնակցելու են 12 - 17 տարեկան այն 20 սովորողները, ովքեր կընտրվեն մրցույթով:
Մրցույթի պայմանները և հայտադիմումի ձևը կցված են: