Իմ կյանքում անմոռանալի օրեր շատ են եղել. դրանցից մեկն էլ ճանապարհորդություն է դեպի Սանկտ Պետերբուրգ: Անմոռանալի զգացողություն էր, երբ առաջին անգամ նստեցի ինքնաթիռ ու առաջին անգամ գնացի Հայաստանից դուրս: Ամենազարմացնող ու ցնցող վայրերը դեռ առջևում էին: Ինձ հիացրեց այդ քաղաքն իր պատմական դղյակներով, բացվող կամուրջներով, պատկերասրահով: Մեկամսյա իմ շրջագայության ընթացքում ես այցելեցի Պյոտր Առաջինի ամառանոցը` <<Պետերգոֆ>> , հիացա նրա կատակ-շատրվաններով, արքունական պալատներով: Ամեն ինչ շատ խնամված ու գեղեցիկ էր՝ լի արքունական շքեղությամբ: Տպավորիչ էին Նևա գետի վրայի բացվող կամուրջները, Ձմեռային պալատը, Ավրորա նավը, որն իր վրա ուներ քսանչորս թնդանոթ, փրկարարական նավեր և այլն: Սանկտպետերբուրգյան օրերն ինձ համար անմոռանալի ու հիշարժան օրեր էին:
Հարությունյան Էրիկ, 9-3 դասարան