o Առաջին անգամ էի ճանապարհորդում սեբաստատցիների հետ: Այցելության վայրը Գյումրին էր: Ես ոգևորված հիանում էի քաղաքի հնամետ կառույցներով,և պատմական հուշարձաններով: Մեր առաջին հանգրվանը Սև բերդն էր կամ ինչպես գյումրեցիներն են ասում Ալեքսադրապոլիայի ամրոցը` կառուցված19-րդ դարում: Եղանք քաղաքի եկեղեցիներում, թանգարաններում, ծանոթացանք քաղաքի հին պատմությանը և մշակույթին: Զբոսնում էինք Գյումրու գլխավոր հրապարակով ու մեծ սիրով գրքեր նվիրում Գյումրեցիներին, պատմում մեր կրթահամալիրի մասին :Այդ ընթացքում ծանոթացանք մի բարեհամբույր ընտանիքի հետ, որոնք մեզ հյուրասիրեցին Գյումրու սառը ջուրը և համեղ մրգերը: Մենք էլ մեր հերթին գեղեցիկ գրքեր նվիրեցինք ընտանիքի փոքրիկին:
Սակայն մենք ունեինք ևս մեկ առաքելություն. Մասնակցեցինք Let's do it շարժմանը ու մաքրեցինք աղտոտված տարածքները:Գյումրի քաղաքը բավական մաքուր էր. և մենք այդքան էլ չչարչարվեցինք, իսկ ահա երբ դուրս եկանք քաղաքից կանգնեցինք ճամփեզրին... այ քեզ բան այս ինչքան աղբ կա... ու անցանք գործի:
Հրաժեշտ տալով քաղաքին`ինքս ինձ խոստացա, որ ևս մեկ անգամ կայցելեմ ինձ արդեն հարազատ ուսիրելի դարձած Գյումրին` ևս մեկ անգամ վայելելու այդ խաղաղությունն ու զգալու հնության բույրը:
· Ավագ դպրոց - վարժարան` տասներորդ դասարան Մարինա Մնացականյան