ՀՀ ԿԳՆ «Մխիթար Սեբաստացի» կրթահամալիր
«Մխիթար Սեբաստացի» կրթահամալիրի նախակրթարանային խմբերը գործում են կրթահամալիրի դպրոց-պարտեզների կազմում:
Նախադպրոցական կրթության ծրագիրը (այսուհետ՝ Ծրագիր) կրթահամալիրում իրականացվող «Ստեղծողի դպրոց. անհատի կրթական պատվեր. մեդիակրթություն» (պետական այլընտրանքային) կրթական ծրագրի բաղկացուցիչն է:
Նախակրթարանում գործում են՝
• Խնամքի խմբեր՝ 2-3 տարեկաններ
• Զարգացման խմբեր՝ 3-4 տարեկաններ
• 5 տարեկանների ուսուցման դասարաններ:
Նախակրթարանի գործունեության առարկան
Նախակրթարանի գործունեության առարկան նախադպրոցականի (այսուհետ՝ սան) խնամքի, զարգացման կազմակերպումն է, նախադպրոցական կրթության հեղինակային կրթական ծրագրի իրականացումը:
Նախակրթարանն իր գործունեության ընթացքում ղեկավարվում է Հայաստանի Հանրապետության oրենսդրությամբ, Կանոնադրությամբ, կրթահամալիրի ներքին կարգապահական կանոններով, կրթահամալիրի զարգացման ծրագրով, դպրոց-պարտեզի կանոնադրությամբ, զարգացման ծրագրով և սույն կարգով:
Նախակրթարան ընդունվում են 2-5 տարեկան այն երեխաները (այսուհետ՝ սան), որոնց ծնողները (սանի օրինական ներկայացուցիչ) ընտրում են կրթական ծրագիրը և Դպրոցի ղեկավարի հետ կնքում են Պայմանագիր խնամքի, զարգացման, ուսուցման մասին:
Նախակրթարանն ապահովում է սաների կրթության բնականոն ընթացքը, շարունակականությունը, համապատասխանությունը սանի անհատական զարգացման մակարդակին, առանձնահատկություններին ու պատրաստվածության աստիճանին: Նախակրթարանը ապահովում է կրթական բաց համայնքի ձևավորումը և զարգացումը:
Նախակրթարանն իրականացնում է հետազոտող ուսուցիչների հեղինակած Կրթական և այլ ծրագրերի, ուսումնական ձեռնարկների, մեթոդական ուղեցույցների կիրառում, փորձարկում, ուսուցողական նոր միջավայրի ստեղծում:
Նախակրթարանն mskh.am-ում ունի իր «Պարտեզ» ենթակայք – ամսագիրը:
Նախակրթարանային խմբերի գործունեությունը իրականացվում է կրթահամալիրի տարեկան ուսումնական օրացույցի հիման վրա կազմված նախակրթանի ուսումնական օրացույցով և նախագծերով:
Սաների զարգացումն իրականացվում է ամենօրյա գործունեության միջոցով: Շաբաթ օրերին կազմակերպվում են նախակրթարանների աշխատողների մասնագիտական զարգացման դասընթացներ:
Սաների գործունեության կազմակերպմանը ներկայացվող պահանջներ
• սաների ինքնուրույնության, ինքնակազմակերպման, ինքնասպասարկաման, ինքնաբավության ապահովում
• գործունեության ընտրության ազատության ապահովում ազատ ինքնաբուխ ինքնակազմակերպվող խաղ-աշխատանքի միջոցով
• գործունեության տարբեր ձևերի ինտեգրում
• ստեղծագործում
• համագործակցային աշխատանքի կազմակերպում
• սանի անհատական գործունեության հնարավորության ապահովում
• բացօթյա գործունեության կազմակերպում
• ՏՀՏ միջոցների ամենօրյա նպատակային կիրառում:
Նախակրթարանի միջավայրին ներկայացվող պահանջներ
Նախակրթարանային միջավայրի մանրամասն նկարագրությունը «Նախադպրոցական կրթություն» ծրագրում
Նախակրթարանը սեփականության իրավունքով գույք չունի: Յուրաքանչյուր ուսումնական տարվա համար Տնօրենը տրամադրում է անհրաժեշտ տարածք, գույք, սարքեր և սարքավորումներ, որոնք նախակրթարանը վաճառելու կամ վարձակալության տալու իրավունք չունի:
Ջերմային համապատասխան ռեժիմով՝ 18 աստիճանից ոչ ցածր և 25 աստիճանից ոչ բարձր, տեխնիկական միջոցներով ապահովված.
ավելորդ պատերից և իրերից ազատ, սանի ֆիզիկական և մտավոր զարգացմանն համապատասխան:
Խմբասենյակը. 140 քառ. մետրից ոչ պակաս, լուսավոր, հեշտ օդափոխվող տարածք:
Նախակրթարանն աշխատում է շուրջտարի՝ տարվա եղանակներին ապահովելով համապատասխան միջավայր և ջերմային ռեժիմ:
Սաների հաճախումների հաշվառում
Սաների հաճախումների հաշվառումը կատարում է դաստիարակը կամ օգնականը. ամեն օր էլեկտրոնային մատյանում մինչև ժամը 9.45 գրանցում է սաների հաճախումը,
նշում բացակայությունների պատճառները:
Գրասենյակի ղեկավարը, բուժքույրը (բժիշկը), խոհարարը ուսումնասիրում են օրագրի տվյալները և իրականացնում համապատասխան գործողություններ ըստ կարգի:
Խմբում արտակարգ դեպքի՝ կապի ընդհատման, համակարգչի խափանման դեպքում դասավանդողն ըստ կարգի անմիջապես այդ մասին տեղեկացնում է գրասենյակի (ծրագրի) ղեկավարին, հաճախումների հաշվառման տեղեկությունը հաղորդում բանավոր կամ հեռախոսով:
Արտակարգ պայմաններում՝ դպրոցում էլեկտրական հոսանքի կամ ինտերնետ կապի բացակայության դեպքում, գրասենյակի ղեկավարը նախակրթարանի սաների հաճախման հաշվառումը անձամբ է կատարում և տվյալներն հաղորդում բուժքրոջն ու խոհարարին:
Դաստիարակը էլեկտրոնային մատյանում գրանցումն անում է, հենց որ դա հնարավոր է դառնում։
Սաների տեղեկատուն վարում է (կազմում և փոփոխությունները օպերատիվ գրանցում է) ուսուցողական ծրագրի գրասենյակի ղեկավարը: Տեղեկատուն լինում է ուսուցողական ծրագրի գրասենյակում, մանկավարժության կենտրոնում, կրթահամալիրի տեղեկատուում, տնօրենի գրասենյակում:
Ուսուցողական ծրագրի ղեկավարը ամեն շաբաթ ստուգում է խմբերի մատյանները, մատյանում գրանցում իր դիտողությունները:
Օրվա ռեժիմի նախագիծ
Նախակրթարանում սաների գործունեությունն սկսվում է 9.00, ավարտվում է 17.00:
Օրվա ռեժիմում գրանցված են քնի՝ ժ. 12.30-14.30, և սնվելու` 10.00, 12.00, 16.00, ժամերը:
Օրվա աշխատանքային նախագիծը և կերակրացանկը ամենաուշը մի օր առաջ տեղադրվում է ենթակայքում, ուղարկվում է ծնողին:
Սաների ամենօրյա պարտադիր գործունեություն.
• միջավայրի առավոտյան խնամք՝ հիգիենա-օդափոխություն-մաքրություն, բույսերի խնամք, կենդանիների կերակրում
• անհատական հիգիենայի պահպանում
• առավոտյան վարժանք՝ ուրախ մարմնամարզություն, երգ-պար-խաղ
• լող՝ տաք եղանակին կամ հնարավոր բոլոր դեպքերում ամեն օր, ցուրտ եղանակին՝ շաբաթվա որոշակի օրերի
• լուսանկարում կամ նկարահանում. հաջորդ օրը դրանց դիտում. 3-5 տարեկանների խմբերում լուսանկարում են սաները
• տեխնոլոգիա՝ ներառյալ նկարչությունը
կազմակերպվող գործունեություն. սաները դաստիարակի հետ զբաղված են ընդհանուր գործունեությամբ, որի ընթացքում լուծվում են օրվա նախագծում դրված ուսումնական, սաների զարգացման խնդիրը կամ խնդիրները:
Սաների զարգացման գրանցում
Տարվա ընթացքում 2 անգամ սաների ֆիզիկական աճի, առողջական վիճակի տվյալները և անձնական-ընտանեկան այլ տվայլներ, դրանց փոփոխությունները գրանցվում են էլեկտրոնային համապատասխան փաստաթղթում՝ սանի թերթիկում (հավելված 1):
Տարվա ընթացքում 2 անգամ լրացնում է սանի զարգացման սանդղակը՝ աճի բնութագիրը (հավելված2), որտեղ նշվում է սանի արժեքային համակարգը, սանի հմտությունների ու կարողությունների զարգացումը, կազմվում է սանի անհատական զարգացման պլան:
Սաների ստեղծած նյութերով ստեղծվում եմ ֆիլմեր, կազմակերպվում են մեդիացուցադրություններ, ցուցահանդեսներ, ներկայացումներ, խաղեր և նկարվում կամ նկարահանվում են:
Ստեղծվում է սանի անհատական էլեկտրոնային փաթեթ, որտեղ հավաքվում են սանի գործունեության արդյունքում ստեղծված նյութերը:
Ծրագրի մշակումը համակարգում է Աիդա Պետրոսյանը:
Ծրագրի իրականացումը ղեկավարում է Դպրոցի ղեկավարը:
Դպրոցի ղեկավարը
Խմբի դաստիարակը և դաստիարակի օգնականը (այսուհետ՝ օգնական)
Դաստիարակին և օգնականին ներկայացվող պահանջները շարադրված են «Նախադպրոցական կրթություն» ծրագրում:
Խմբի սաների գործունեության կազմակերպիչն ու Ծրագրի իրականացման պատասխանատուն դաստիարակն ու օգնականն են:
Դաստիարակն ու օգնականն աշխատում են համատեղ. նրանք սաների գործունեության կազմակերպումն ու խնամքն իրականացնում են միասին:
Դաստիարակն ու օգնականը ապահովում են հիգիենիկ զարգացնող միջավայր:
Դաստիարակի և օգնականի աշխատանքային գործունեությունն արտացոլվում է Skydrive-ում և դաստիարակի անձնական բլոգում:
Դաստիարակը ամենաուշը մի օր առաջ իր էջում տեղադրում է օրվա աշխատանքային նախագիծը, որտեղ նշում է ՝
անհրաժեշտ ուսումնական տեխնիկական միջոցները, օգտագործվելիք ուսումնական նյութերը և նախապատրաստում դրանք հաջորդ օրվա գործունեության համար
օրվա խնդիրները և դրանց իրականացման ձևերը. նկարագրում է դրանք
օրվա գործունեության մանրամասն նկարագրությունը:
Օրվա վերջում, ամենաուշը հաջորդ օրը, դաստիարակն իր էջում կամ օրագրում ամփոփում է օրվա աշխատանքն ըստ նախագծի՝ փաստացի տեղեկություններ նշելով օրվա գործունեության մասին. ինչ գործունեությամբ են զբաղվել, ինչն ինչպես են արել, ով է մասնակցել, ինչն է ստացվել, ինչը չի ստացվել.
դիտարկում, եզրահանգումներ է կատարում, դրանք հաշվի առնելով՝ կազմում է կամ լրամշակում է հաջորդ օրվա աշխատանքային նախագիծը:
Գործունեության արդյունքում ստեղծված նյութերը տեղադրվում են սանի էլեկտրոնային փաթեթում, դասավանդողի էջերում, հրապարակվում են «Պարտեզ» ամսագրում, mskh.am-ում։
Կայքում էլեկտրոնային նյութ է տեղադրվում օրվա գործունեության , հետաքրքիր միջադեպերի, խմբին և իր աշխատանքին առնչվող այլ թեմաներով:
Բուժքույրը (բժիշկը)
Ծնող. (օրինական ներկայացուցիչ). ծնողական խորհուրդ
Ծնողի իրավունքներն ու պարտականությունները շարադրված են Ծրագրում, Դպրոցի տնօրենի հետ կնքվող պայմանագրում:
Նախակրթարանային գործունեության արդյունավետ կազմակերպման, զարգացման ծրագրերին աջակցելու և համայնքի հետ արդյունավետ համագործակցություն ապահովելու նպատակով ձևավորվում է ծնողական խորհուրդներ:
Նախակրթարանի ծնողական խորհուրդը կազմավորվում է սաների ծնողներից: Ծնողական խորհրդի նախագահը ընտրվում է փակ քվեարկությամբ, ձայների պարզ մեծամասնությամբ: Ծնողական խորհրդի նախագահը դպրոցի ծնողական խորհրդի անդամ է:
Հավելվածները տես «Պարտեզ» ենթակայքում