Միջին դպրոցում գործում է կաբինետային համակարգ: Ուսումնական կաբինետի ղեկավարը պատասխանատու է ՏՀՏ միջոցների անխափան աշխատանքի, ուսումնական պարապմունքների ընթացքում անհրաժեշտ համակարգչային ծրագրերի ապահովման համար:
Ուսումնական գործի արդյունավետ կազմակերպման համար ուսուցիչների համար նոթբուք-նեթբուք ունենալը պարտադիր է:
Ուսումնական գործի արդյունավետ կազմակերպման համար միջին դպրոցի բոլոր ուսուցիչները ունենում են ուսումնական բլոգներ:
Ուսումնական գործի կազմակերպմանը հետևում են կազմակերպիչները:
7-9-րդ դասարաններում օտար լեզվի, մաթեմատիկայի ուսուցումը կազմակերպվում է հոսքերով` ըստ սովորողի պատրաստվածության մակարդակի:
«Տեխնոլոգիա» առարկայի դասաժամերին դասարանները կիսվում են երկու մասին:
Դասաժամերի բացօթյա կազմակերպման համար նախատեսվում են ներքին բակերը:
Ընդհանուր պարապմունքը յուրաքանչյուր շաբաթ կազմակերպում է դասավանդողը (կամ դասավանդողների խումբը)` ընդգրկելով դասարան կամ սովորողների խումբ:
«Կենսաբանություն» առարկայի երեք դասընթացները անցկացվում են լաբորատորիաներում` ջերմոց-լաբորատորիա, կենդանաբանության լաբորատորիա, կենսաբանության լաբորատորա:
«Ֆիզիկա», «Քիմիա» առարկաների դասաժամերի կեսը տրամադրվում է լաբորատոր փորձերին, որոնց ընթացքում դասարանը կիսվում է երկու մասի: