Մոտենում է օգոստոսը, բայց «Տիգրան Հայրապետյան» գրադարանը շարունակում է աշխատել` ընթերցողին ապահովելով էլ ավելի հարուստ, որակյալ և մատչելի գրականությամբ:
Այսօր «Կրթության որակ և համապատասխանություն» վարկային երկրորդ ծրագրի շրջանակներում «Կրթության ծրագրի կենտրոն» ընկերության, Ծիգի և «Բուկինիստ» ՍՊԸ-ի միջև կնքված պայմանագրի համաձայն «Մխիթար Սեբաստացի» կրթահամալիրին տրամադրվեց մեթոդական և գեղարվեստական գրքեր, որոնք նախատեսված էին համալրել ավագ դպրոցների գրադարանները: Հարկ է նշել նաև, որ կրթահամալիրում գործում է երեք ավագ դպրոց, բայց մեզ տրմադրվել էր ընդամենը մեկ ավագ դպրոցի համար նախատեսված գրականություն:
Ամեն դեպքում ես շատ ոգևորված եմ նոր ստացած գրականությամբ, քանի որ ինձ համար շատ հաճելի է ծանոթանալ և ուսումնասիրել գունեղ և բովանդակալից գրքերը:
Հույս ունեմ նաև, որ կրթահամալիրի մյուս ավագ դպրոցները ևս կհամալրվեն նոր գրականությամբ: