«Դասարան անիվների վրա»... Բայց որ այսքան հեռու... Տիկին Մարին ասաց, որ առանց գրքի ոչ մի տեղ չգնամ... Հավաքեցի անհրաժեշտ իրերս ու... 4 ժամ ճամփա գնալուց հետո հասանք Օձուն: Առաջին օրը հանգստացանք, հաջորդ օրն արդեն գործի անցանք, ընկերուհիներիս ծանոթացրի գործի բնույթին, վերցրինք գրքերն ու երեկոյան գնացինք Օձունի եկեղեցու բակ: Երեխաները շատ էին, երկուսին մոտեցանք ու մնացինք տեղում: Շրջափակել էին մեզ ու ինչ գտնում էին խնդրում էին, որ նվիրեմ: Ընկերուհիներս էլ զարմացել էին, առաջին անգամ էին նման իրարանցում տեսնում: Արդյունքում տոպրակները մնացին դատարկ: Վերջին բուկլետներն անգամ բաժանեցինք: Երեխաներին շատ էր հետաքրքրում գումարները ստանալու ժամանակահատվածը: Հիմնական հարցերը գումարի հետ էին կապված, սկսել էին արդեն առաջադրանքների պատասխանները ուզել մեզանից, քանի շուտ էր որոշեցինք միասին խաղալ: Յուրաքանչյուրն իր գրքերը պինդ-պինդ պահած խաղում էին: Արդեն դուրս էինք գալիս եկեղեցու բակից, երբ հանդիպեցինք Տեր-Վրթանես Քահանային, ներկայացրինք մեր ծրագիրը, ասացինք, որ գրքեր ենք նվիրել, ստացանք օրհնություն ու հեռացանք:
Ծրագրի իրականացմանը միացան նաև Զառայի կուրսընկերուհիներ Լուսինեն ու Անին, ովքեր ջերմ-ջերմ բարևում են կրթահամալիրցիներին:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
