HP ֆիրման «Յունիքոմփ» ընկերության միջոցով օրերս «Մխիթար Սեբաստացի» կրթահամալիրին նվիրաբերեց HP ProLiant DL360 G7 CTO E5645 սերվեր:
Սերվերի ռեսուրսները լրիվ բավարար են մի քանի վիրտուալ հզոր մեքենա ստեղծելու համար, որով միաժամանակ կիրականացվեն արդի ու կարևոր IT լուծումներ: Այն ոչ միայն կրթահամալիրն առաջատար կդարձնի հայաստանյան կրթական հաստատությունների մեջ, այլև կդնի արտասահմանյան կրթական հեղինակավոր հաստատությունների շարքում: Կրթահամալիրը պատրաստվում է նոր սերվերի միջոցով էապես բարելավել mskh.am կայքի աշխատանքը, ստեղծել ներքին ֆայլային ռեսուրս և էլեկտրոնային (մեդիա) գրադարան՝ մատչելի վեբ-ինտերֆեյսով, կրթահամալիրի դպրոցների միջև հաղորդակցության և հեռավար ուսուցման, կրթահամալիրի ավագ դպրոցների պատանեկան ակումբների համար ժամանակակից միջավայր ստեղծել, ապահովել փաստաթղթերի էլեկտրոնային շրջապտույտ:
Ծրագրային ապահովման համար համագործակցում ենք մեր գործընկեր Microsoft Armenia-ի հետ` գործարկելու Microsoft SharePoint և Microsoft Lync ծրագրային փաթեթները, Windows Server 2008 R2 օպերացիոն համակարգը:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
