Հիմնական դպրոցում ենք, այն դպրոցում, որտեղ անցել են իմ մանկության լավագույն օրերը: Նորից նույն ջերմությունն եմ զգում, նույն հարազատ դեմքերն են ինձ ժպտում ու հարազատ ձայնով ներս հրավիրում:
Ներս մտա… Այս ինչքա՜ն բան էր փոխվել: Միանգամից նկատեցի մանկապարտեզը, երեխաները նախաճաշում էին: Երանի՜ նրանց, ինչքա՜ն անհոգ են ու երջանիկ: Նրանք ուտում էին՝ առանց ուշադրություն դարձնելու այն մարդկանց, ովքեր հիացած դեմքերով նայում էին իրենց շոկոլադե դեմքերին:
Այնքան լավ ու ամառային տրամադրություն էր: Առաջին դասարանցիները պատրաստվում էին լողալուն և շատ ոգևորված էին: Իսկ մեծերը պատրաստվում էին գնալ Բ-4 դպրոց-պարտեզ՝ լողալու:
Նրանց չէր խանգարում իրականացնել նաև տարբեր ուսումնական ծրագրեր. նկարել, երգել, ակտիվ հետևել կայքի աշխատանքներին և ճամբարային առօրյային: