Այսօր մենք` ես, Գոհարը և տիկին Նունեն այցելեցինք Դպրոց- պարտեզ: Մենք մի փոքր շուտ էինք գնացել, հյուրերը դեռ չէին եկել: Մինչ հյուրերի գալը մենք շրջեցինք դպրոցով, հիացանք բակով, լողավազանով և երեխաների` դպրոցի պատերին փակցված նկարած նկարներով, թութակներով ու ձկնիկներով:
Ժամը 11:00-ին հյուրերը եկան: Նրանց դռների մոտ դիմավորեց դպրոցի ղեկավարը` ընկեր Տաթևը: Նա հյուրերին ուղեկցեց մանկապարտեզ: Նրանց հետ էր նաև տիկին Աիդան, ով ներկայացնում էր մանկարպարտեզը: Հյուրերն էլ բարձրաձայն համեմատում էին ուրիշ մանկապարտեզների հետ: Ես և Գոհարը ձայնագրում էինք, լուսանկարում և հյուրերից հարցազրույց վերցնում:
Երբ հյուրերի հետ պտտվում էինք Դպրոց- պարտեզով, տեսանք երեխաների, ովքեր բանանով, ելակով ու կիվիով մրգային աղցան էին պատրաստում: Մի խումբ երեխաներ էլ պարում ու երգում էին: Ամենահետաքրքիրն այն էր, որ բոլոր երեխաները լողազգեստներով էին: Պարին հաջորդեց գործունեությունը բակում: Երեխաների մի մասը լողում էր լողավազանում, մի մասը` նկարում պատին փակցված թղթի վրա, մեկ այլ խումբ էլ ջրոցի էր խաղում:
Հարց ու պատասխանից պարզ դարձավ, որ մեր հյուրերին շատ էր դուր եկել ամառային Դպրոց-պարտեզը: Իսկ մեզ` ինձ ու Գոհարին, ամենաշատը դուր եկավ երեխաների հրճվանքն ու ուրախությունը: