Այսօր Նոր դպրոցում մայրենի լեզվի քննություն էր: Ջերմ, բարի, մեղմ ժպիտներով լի քննական սենյակներ էին: Երեխաներն իրենց զգում էին ազատ և անկաշկանդ: Մինչև քննության սկսվելը հայտարարվել էր, որ լողավազանները սպասում են երեխաներին: Երևի դա էլ նպաստեց, որպեսզի ավելորդ լարվածություն չնկատվի երեխաների մոտ: Քիչ անց քննական սենյակների լռությանը փոխարինեցին լողավազանում լողացողների ուրախ ճիչն ու աղմուկը: