Հիշատակի օր` մոմավառություն և <<Քվիլթ>>

   Մայիսի  երրորդ  կիրակին  ՁԻԱՀ- ից  մահացած  մարդկանց  հիշատակի  միջազգային  օրն  է:

   ՁԻԱՀ-ից մահացած մարդկանց հիշատակի օրն առաջին անգամ նշվել է 1983թ. Սան Ֆրանցիսկո քաղաքում:  Միջոցառման կազմակերպիչներն  այն  մարդիկ  էին,  ում  կյանք էր ներխուժել  ՄԻԱՎ   վարակը:    ՁԻԱՀ- ից մահացած  մարդկանց հիշատակի միջազգային օրվա  շրջանակներում ողջ  աշխարհում անցկացվում  են  միջոցառումներ,  որոնք  ուղղված  են  հասարակության,  կառավարությունների  ուշադրությունը  ՄԻԱՎ/ՁԻԱՀ-ի  խնդիրների  վրա  սևեռելուն:  Այդպիսի  միջոցառումներից են  մոմավառությունը  և  <<Քվիլթը>>:

   ՁԻԱՀ-ից  մահացածների  հիշատակին մոմեր վառելու արարողությունը,  որը  Առողջապահության գլոբալ խորհրդի նախաձեռնած ակցիան  է,   ոգեշնչում  է համայնքներին և  անհատներին`  ընդգրկվելու  ՄԻԱՎ/ՁԻԱՀ-ի  դեմ պայքարում:
Մոմավառության  արարողությունն  առաջին  անգամ  տեղի  է  ունեցել   1983թ.,  երբ  գրանցված  էր  ՁԻԱՀ-ից  մահվան  ընդամենը մի  քանի հազար  դեպք:  Տարբեր  համայնքներում  այս արարողությունը  յուրովի է  ընթանում:  Մեկ  համայնքում արարողությունը  կատարվում  է  ընդամենը մի քանի ընկերների միջավայրում,  մեկ  այլ վայրում  հազարավոր  մարդիկ  երթի են  դուրս գալիս`  վառվող մոմեր  բռնած և  հիշատակի երգեր երգելով:

   <<Քվիլթ>>   նշանակում  է  լաթերից կարված  ծածկոց:   Ըստ  հնում ծագած ավանդույթի`  նման ծածկոց,   ի  հիշատակ  մահացածի,   կարել  են  նրա ընտանիքի  անդամները,  հարևանները  և ծանոթները:   Այդ նպատակով օգտագործվել են  բազմագույն  լաթեր:

    Առաջին  անգամ  <<Քվիլթը>>   կարել  է  Ջոնս  Քլիվը  1987թ.   հունիսին  Սան Ֆրանցիսկոյում`   դրանով  արտահայտելով ՁԻԱՀ-ից մահացած իր  ընկերոջ կորստի  ցավը:   Միջոցառման նպատակը  ՁԻԱՀ-ից մահացածների  հիշատակը հավերժացնելն   ու համաճարակի կործանարար ազդեցությունը մարդկանց տեսանելի  դարձնելն էր:  
Քանի  դեռ  ՄԻԱՎ   վարակի  համաճարակը շարունակում է  ողջ աշխարհում  կյանքեր  խլել,   <<Քվիլթը>>  մեծանում  է`   իր մեջ  ներառելով հիշողություն,   հույս և  ՄԻԱՎ/ՁԻԱՀ-ի դեմ հաղթանակի  հավատ:

Աղբյուր`  www.  doctors. am

                 www. redcross.am