Մայիսյան հավաքի երկրորդ օրն է: Ներկայացվում էր կրթահամալիրի Միջին և Ավագ դպրոցների հեղինակային կրթական ծրագրերի կազմակերպումը: Առավոտը սկսվեց ամենօրյա, բայց նորօրյա ընդհանուր միասնական պարապմունքով: Օրը հարուստ էր հյուրերով: Կրթահամալիր հյուրընկալվեցին 181 դպրոցի 9-րդ դասարանցիները, նրանց հետ էին նաև դպրոցի ուսուցիչներ, կրթահամալիրի կրտսեր դպրոցի սովորեղները իրենց ուսուցիչների հետ, միջին դպրոցի ծնողները: Նրանք շրջայց կատարեցին Մայր դպրոցի ընթերցասրահում, գրադարանում, լաբորատորիայում, ջերմոցում և տեխնոլոգիայի սրահում, մասնակցեցին բաց դասերին: Ծանոթացան կրթահամալիրին ու նրա գործունեությանը: Հետո այցելեցինք և ներկա գտնվեցինք մաթեմատիկայի, արվեստի, օտար լեզուների, հայոց լեզվի, բնագիտական առարկաների բաց դասերին: Բաց դասերին ներկայացվում էին տեղեկատվական տեխնոլոգիաների կիրառումը հանրակրթության մեջ: Իսկ հետո, ըստ այսօրվա պլանի, ակտիվ շարունակությունը տեղի ունեցավ Մեդիակենտրոնում, որտեղ ներկայացվում էր սովորողների ակումբային գործունեությունները: Օրը շարունակվեց Մայր դպրոցի Մարմարյա սրահում ՝ մեդիաուրբաթի ցուցադրությամբ, որի կազմակերպիչը Նոր դպրոցն էր:
Մայիսյան յոթերորդ հավաքի երկրորդ օրը ավարտվեց խաղարկային դատարանի նիստով:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
