«Գարդենիա» ակումբը իր շուրջն է համախմբում ոչ միայն կրթահամալիրի սաներին և ուսուցիչներին, այլև խանութ-սրահի այցելուներին`Ազատաշեն գյուղի բնակիչներ Լևոն և Մարո ամուսիններին, որոնք կամա թե ակամա դարձան մեր ակումբի անդամները: Նրանք մեզ սիրով հրավիրեցին այցելել իրենց վարդերի ջերմոցը, որտեղ զգացվում էր, թե ինչ սիրով ու նվիրումով են վերաբերվում գործին: Ջերմոցում բացի վարդերից կային նաև սենյակային, էկզոտիկ բույսեր` մանդարինի, նարնջի, թուրինջի ծառեր: Վերադարձանք մեզ նվիրած վարդերի մեծաքանակ տնկիներով և սածիլներով, որոնք տնկեցինք Մեդիակենտրոնի տարածքում:
Ակումբի նոր և նախկին անդամներ` Շողիկ Պողոսյան և Կարինե Աղամյան