Այսօր <<Մխիթար Սեբաստացի>> կրթահամալիրի մարմարյա սրահում տեղի ունեցավ էկոտուր-2012 մրցույթի բացման պաշտոնական արարողությունը. ներկայացվեցին էկոտուրի խմբերը, մրցույթի նախորդ կարգի նուրբ փոփոխությունները: Որպես խորհուրդ, նպատակային շարունակական գործընթացի ապացույց` տիար Բլեյանին հմայիչ հաղորդավարները նվիրեցին <<Սեբաստիա>> կրթական պարտեզին խանգարող ասֆալտի վերջին կտորը:
Մեծ լսարանում հակառակորդ թիմերը տեղավորվեցին, տրամադրվեցին: Թույլ տրվեց համարձակներին առաջինը ներկայանալ: Քաջություն ունեցավ Գեղարվեստի ավագ դպրոցի <<էկովետերաններ>> թիմը: Գնահատող հանձնաժողովի անդամներն էին` «Դալմա - Սոնա» Հիմնադրամի Հոգաբարձուների Խորհրդի նախագահ, Շրջակա միջավայրի պահպանության իրավունքի դասախոս, Քաղաքացիական ծառայության 2-րդ դասի խորհրդական Ռուզան Ղազարյանը, 156 դպրոցի կենսաբանության ուսուցչուհի Էմմա Մելքոնյանը և կրթահամալիրի դասավանդող Ժաննա Հակոբյանը:
Մրցող, ընդդիմադիր և գնահատող թիմեր. յուրաքանչյուրը գրագետ կատարեց իր պարտավորությունը, աշխատանքի ընթացքում լարվածությունը թուլացավ... Գնահատականները գրանցվեցին: Որպես անհատական նախաձեռնող ներկայացավ 11-րդցի Արման Մարտիրոսյանը:
Ներկայացված աշխատանքները տեղադրված են <<Մխիթար Սեբաստացի>> կրթահամալիրի էկոտուր ենթակայքում:
Վաղը կշարունակենք...
