ՀՀ ԿԳ նախարարության պատվերով իրականացվող «Փորձարարական մանկավարժության ծրագրերի իրականացում հանրակրթությունում» ծրագրի 2012թ. աշխատանքներում կարևորվել է կրթահամալիրում իրականացվող «Ստեղծողի դպրոց. անհատի կրթական պատվեր. մեդիահանրակրթություն» հեղինակային կրթական ծրագրի տարածումը, տեղայնացումը: Սկսում ենք մեր կրթական ծրագրի հեղինակ ուսուցիչների մեթոդական բաց պարապմունքների ներկայացումը ամեն չորեքշաբթի, ժամը 15.15-16.15, ըստ ուսումնական կենտրոնների` ամբիոնների:
Հրավիրում ենք ՀՀ ԿԳՆ, Երևանի և մարզերի կրթության վարչությունների, հանրակրթական դպրոցների աշխատողներին մասնակցելու իրենց ընտրած պարապմունքին: Օրվա ծրագիրը և արդյունքները կհրապարակվեն mskh.am-ում` բաց պարապմունքների էջում:
Մասնակցության համար պետք է նախօրոք գրանցվել` զանգահարելով մանկավարժության կենտրոն` 73 34 40, կամ գրելով [email protected]: Մարզերից մասնակիցները կարող են օգտվել կրթահամալիրի հյուրատնից:
Հարգանքով`
կրթահամալիրի տնօրեն` Աշոտ Բլեյան