Լրատվության այլընտրանքային ծրագրի շրջանակներում այսօր տեղի ունեցավ «Դպրոցական բլոգ» ծրագրի ամփոփիչ շնորհանդեսը: Ծրագիրը մեկնարկել է մարտի սկզբից` աշակերտների միջոցով բարձրաձայնելու դպրոցական կյանքում առկա խնդիրները: Սովորողները բլոգինգի միջոցով խոսում են իրենց հուզող հարցերի մասին. ուսուցիչ- աշակերտ հարաբերություններ, դպրոցական խնդիրներ, սեր, ընկերություն և բազմապիսի այլ թեմաներ:
Միջոցառմանը ներկա էին բլոգի բոլոր հեղինակները:
6 դպրոցական ստացավ 10,000 դրամ խրախուսական պարգև: Գլխավոր մրցանակը` Net book, ստացավ Դիլիջանից Ռոբերտ Պետրոսյանը, ով ծրագրի ընթացքում եղել է ամենահամարձակ և ամենաակտիվ բլոգերը:
Այնուհետև ամփոփվեցին «Ուլիսիս» պատմվածքի մրցույթի արդյունքները: Դրան մասնակցել էր 24 հեղինակ` հանրապետության տարբեր մարզերից ու համայնքներից: Գլխավոր մրցանակը ստացավ մեր Մանե Գևորգյանը ՙԲաց դուռը՚ պատմվածքի համար, իսկ խրախուսական պատվոգրեր ստացան կրկին Մխիթար Սեբաստացի կրթահամալիրից Լիաննա Առաքելյանը և Լիլիթ Սարգսյանը: Մեր ջերմ շնորհավորանքները Մանեին և մյուս մրցանակակիրներին:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
