Այսօր Մեդիակենտրոնում «Ժանգոտ դդում» մեդիափառատոնի մասնակիցները շարունակեցին ծանոթանալ ներկայացված աշխատանքներին: Սկզբում ներկաներին ողջունեց տիար Բլեյանը, այնուհետև սկսվեց ցուցադրությունը: Ֆիլմերը դիտելու էին եկել կրթահամալիրի ուսուցիչներ, սովորողներ, ծնողներ, ժյուրին, ինչպես նաև՝ Վրաստանից երկու օր առաջ ժամանած հյուրերը: Ցուցադրվեցին անիմացիոն ֆիլմեր, որոնք մեծ հետաքրքրություն առաջացրին: Ֆիլմերը հաճույքով դիտեցին մեր վրացի ընկերները: Նրանք կրթահամալիրում առաջին անգամ էին մասնակցում այդպիսի փառատոնի: Ֆիլմերի դիտման ընթացքում տիրում էր ուրախ, աշխույժ մթնոլորտ: Երկու ժամ հետո հայտարարվեց մեդիափառատոնի երկրորդ օրվա փակումը: Այնուհետև ժյուրին անցավ իր բարդ գործին՝ մրցանակակիրներին ընտրելուն: Վաղը տեղի կունենա փառատոնի փակումը. կհայտարարվեն մրցանակակիրների անունները և կտրվեն մրցանակներ: