Հոկտեմբերի 24-ին, Երևանի Անանիա Շիրակացու անվան ճեմարանում տեղի ունեցավ «Տարրական դպրոցի զարգացման հեռանկարները 21-րդ դարում» խորագրով գիտաժողով: Մասնակիցների ընդունումից, գրանցումից ու աշխատանքային փաթեթների տրամադրումից հետո մեկնարկեց գիտաժողովը: Գիտաժողովի մասնակիցներին ողջունելուց ու պլենար նիստից հետո սուրճի ընդմիջում էր: Ընդմիջումից հետո աշխատանքները շարունակվեցին երկու մասնախմբերում: Առաջին մասնախմբում ներկայացվում էին զեկուցումներ ժամանակակից տարրական կրթության հոգեբանամանկավարժական հիմնահարցերի շուրջ, իսկ երկրորդ մասնախմբում՝ տարրական դպրոցի ուսումնական առարկաների դասավանդման մեթոդիկաների շուրջ: Մասնախմբերի աշխատանքը ընդմիջվեց ճաշով, որին հաջորդեցին բաներային զեկուցումները, որոնք անցան ակտիվ, կենդանի քննարկումներով: Այստեղ ճեմարանականները ներկայացնում էին իրենց աշխատանքները և արձանագրած հաջողությունները: Բաներային զեկուցումներից հետո մասնախմբերը շարունակեցին իրենց աշխատանքները: Գիտաժողովն ավարտվեց մասնակիցներին հավաստագրեր հանձնելով ու փոքրիկ ճեմարանականների պարային ու երաժշտական ելույթներով: Ինչպես նշվել էր գիտաժողովի ընթացքում՝ նպատակը հետագա համագործակցությունն է:
Գիտաժողովի ծրագրին ավելի մանրամասն կարող եք ծանոթանալ կցված ֆայլում:
Անահիտ Հարությունյան
Մերի Գրիգորյան
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
