Շիրակի մարզպետ Կարեն Սարուխանյանը մարզային իշխանության ներկայացուցիչների հետ այսօր հանդիպել է «Մխիթար Սեբաստացի» կրթահամալիրի տնօրեն Աշոտ Բլեյանին: Հանդիպման ընթացքում քննարկվել են կրթության բնագավառին վերաբերող հարցեր: Աշոտ Բլեյանը ներկայացրել է կրթահամալիրի 2018թվականի ընթացքում իրականացրած, առաջիկայում իրականացվելիք ծրագրերը` կարևորելով «Ուսումնական Գյումրի» նախագիծը, որի շրջանակներում մի շարք միջոցառումներ են անցկացվել Գյումրու կրթական հաստատություններում: Անդրադարձ է եղել նաև նոր նախաձեռնություններին: Պարոն Բլեյանը մարզպետին է ներկայացրել իրենց նոր ձեռնարկներից մեկը` ուսուցչական երգչախումբ ստեղծելու գաղափարը, որն հղացել է կրթահամալիրի երգ-երաժշտության ուսուցչուհի Անի Նավասարդյանը: Խոսքը Գյումրիում ուսուցչական երգչախումբ ստեղծելուն է վերաբերում, որը կերգի ու կտարածի գլխավորապես մաքուր ազգային, միաձայն ու բազմաձայն երաժշտություն։
Մարզային իշխանությունները ողջունեցին ձեռնարկը` կարևորելով մարզի դպրոցներում երաժշտության ուսուցիչների կրթական մակարդակի բարձրացումը, ազգային երգ- երաժշտության տարածումը: Շիրակի մարզպետ Կարեն Սարուխանյանը վերահաստատեց մարզային իշխանությունների պատրաստակամությունը համագործակցելու և նշեց, որ ամեն ինչ կանեն կրթության բնագավառի զարգացմանը միտված ձեռնարկները կյանքի կոչելու համար:
Նյութի աղբյուրը՝ Շիրակի մարզպետ Կարեն Սարուխանյանի ֆեյսբուքյան էջ։
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
