Իզմիրի միջազգային տիեզերագիտական ճամբարին կրթահամալիրի «Տիեզերք» ակումբի սովորողների մասնակցության մասին

Կրթահամալիրի գործընկեր «Կրթասեր» հասարակական կազմակերպությունը կրթահամալիրի «Տիեզերք» ակումբի սովորողներին տրամադրել է (հավելված 1) Իզմիրի միջազգային տիեզերագիտական ճամբարի մասնակցության 12 սովորողի կրթաթոշակ (հավելված 2)։ Նախապատրաստական աշխատանքը կազմակերպել են կրթահամալիրի դասավանդողներ Արտակ Զարգարյանը, Լևոն Արամյանը, Շամիրամ Պողոսյանը։ Խումբը, «Կրթասեր» ՀԿ-ի սահմանած կարգով և մշակած երթուղով (հավելված 3), ծնողների գրավոր համաձայնությամբ, մեկնում է Իզմիր ս.թ. օգոստոսի 8-ին։ Սովորողների տեղափոխումը Երևան-Իզմիր-Երևան երթուղով կազմակերպում են մասնակիցների ծնողները: Այդ նպատակով.

• ճամփորդության և ճամբարի մասնակցության ծրագիրը  ճանաչել  ուսումնական նախագիծ` սահմանված կարգով այն լուսաբանելով mskh.am-ում.
• նախագծի ղեկավար «Կրթասեր» ՀԿ-ի առաջարկությամբ նշանակել Արտակ Զարգարյանին, օգնական` Շամիրամ Պողոսյանին.
• ընդունել ի գիտություն Արտակ Զարգարյանի ներկայացրած ճամփորդության երթուղին ու ծրագիրը, որն արժանացել է ծնողների հավանությանը.
• հրամանին անհատապես ծանոթացնել մասնակից սովորողների ծնողներին.
• նախագծի ղեկավարներին` վերադարձից հետո ներկայացնել մանրամասն հաշվետվություն։ 

Կրթահամալիրի տնօրեն՝                                  Ա. Բլեյան