Այսօր մայիսյան 6-րդ հավաքի առաջին օրն է: Դպրոց-պարտեզում առավոտյան ընդհանուր պարապմունքից հետո սկսվեցին բաց պարապմունքները: Ամենուր աշխուժություն է: Մենք արդեն հյուրեր էլ ունենք: Մի տեղ մեդիաերաժշտություն է, մի այլ տեղ մեդիահայրենագիտության դաս է, լրագրողների մի խումբ հարցազրույցներ է վերցնում հյուրերից և դասավանդողներից, մի այլ խումբ էլ օրվա ֆիլմն է պատրաստում: Մի մեծ տոն ևս` այսօր մեր շատ սիրելի ամենահայրենագետ ընկեր Իվետայի ծննդյան օրն է: Շնորհավորում ենք ընկեր Իվետային և մաղթում ամենալավն ու բարին: