Ինչպես գիտեք, մեր կրթահամալիրը համագործակցում է «Սինոպսիս» ընկերության հետ, և այսօր նրա ներկայացուցիչները` Համլետն ու Աննան, այցելել էին մեզ: Նրանք 6-րդ լսարանում անցկացրին վարպետաց դաս: Դասին ներկա էին կրթահամալիրի էլեկտրոնիկայի-ծրագրավորմանխորացված ուսուցման սովորողները: Վարպետաց դասը հիմնականում չիպի մասին էր ( ինչպես են ստանում չիպը, չիպի կարևորությունը մեր կյանքում): Մեր աշակերտներն էլ ներկայացրին իրենց պատրաստած նյութը, որն ի դեպ մայիսի 13-ին ներկայացնելու են Վրաստանում` տեխնիկական ստեղծագործության միջազգային օլիմպիադայում:
Քանի որ մեզ շատ հետաքրքիր էր Համլետի և Աննայի անցած ուսումնական ճանապարհը, նրանք պատմեցին իրենց հաջողությունների մասին և մի շարք խորհուրդներ տվեցին մեր ապագա ծրագրավորողներին ու «էլեկտրոնշիկներին»: Մենք նաև իմացանք, որ Համլետը ՀՀ նախագահի մրցանակակիր է: Այս տարի այդ մրցանակը հասանելի է լինելու նաև մեզ` կրթահամալիրցիներիս:
Դասն ավարտվելուց հետո մենք հյուրերի հետ շրջեցինք կրթահամալիրում. նրանք, տեսնելով կրթահամալիրի հարստությունները (դասասենյակները, ջերմոցը, մարմնամարզության սրահը, բնագետների սենյակը, գրադարանը և այլն), ցանկություն հայտնեցին ևս մեկ անգամ սովորելու դպրոցում, բայց այս անգամ` մեր կրթահամալիրում: Մեր հյուրերը կրթահամալիրին տվեցին իրենց գրքույկները, ներկայացրին իրենց կայքը, որտեղ ավելի մանրամասն է ներկայացված իրենց կազմակերպությունը: Այս հանդիպումը առիթ դարձավ, որ ամառային ճամբարի օրերին կրթահամալիրի սովորողները այցելեն «Սինոպսիս» ընկերություն: