ՀՐԱՄԱՆ N 15-090
13.02.2015թ.
Հիմք ընդունելով «Երևանի Խ. Աբովյանի անվան հայկական պետական մանկավարժական համալսարան» ՊՈԱԿ-ի (այսուհետ` Համալսարան) և կրթահամալիրի միջև կնքված համագործակցության պայմանագիրը, Համալսարանի ռեկտորի 06.02.2015թ. թիվ 2-127 հրամանը` թույլատրել սկզբնական կրթության ֆակուլտետի (տարրական կրթություն) առկա ուսուցման բակալավրիատի 2014-2015 ուստարվա 2-րդ կիսամյակի մանկավարժություն և մեթոդիկա (տարրական կրթություն) մասնագիտության բակալավր 2-րդ կուրսի ներքոհիշյալ 12 ուսանողների մանկավարժական փորձառությունը կրթահամալիրում:
Այդ նպատակով.
- կրթահամալիրի կողմից փորձառության համակարգող նշանակել Դպրոց-պարտեզի ղեկավար Տաթև Բլեյանին, խմբերի ղեկավարներ՝ Արմինե Գյոնջյանին, Հռիփսիմե Առաքելյանին, Լուսինե Պետրոսյանին, Մարգարիտ Թամազյանին,
- ընդունել ի գիտություն, որ համալսարանի ռեկտորի 2-127 հրամանով Համալսարանի կողմից պրակտիկայի ղեկավար է նշանակվել Լուսինե Հայրապետյանը, մանկավարժ` Զարուհի Ասատրյանը, հոգեբան` Անժելա Սարգսյանը.
- փորձառության սկիզբը` 2015թ. փետրվարի 17, ավարտը՝մայիսի 26.
- Դպրոց-պարտեզի գրասենյակի ղեկավարին` սահմանված կարգով դպրոցի Sky Drive-ում ստեղծել և վարել ուսանողների հաշվառման էլեկտրոնային մատյանը, ուսանողների անհատական տվյալները (CV) 2 օրվա ընթացքում տեղադրել կայքում, հրամանին անհատապես ծանոթացնել հրամանում նշված անձանց.
- հանձնարարել Նաիրա Նիկողոսյանին ուսանողներին ծանոթացնել կրթահամալիրի ներքին կարգապահական կանոններին, կայքին, ուսումնական օրացույցին, ուսումնական միջավայրին.
- ապահովել ուսանողների մասնակցությունը կրտսեր դպրոցի օրացույցով որոշված ուսումնական նախագծերին.
- փորձառությունը լուսաբանել mskh.am-ի«Փորձառություն» բաժնում.
- փորձառության ամփոփումը՝ մայիսի 26-ին Դպրոց-պարտեզում.
- հրամանի կատարման վերահսկումը հանձնում եմ Նաիրա Նիկողոսյանին:
Կրթահամալիրի տնօրեն` Ա. Բլեյան
