Նոյեմբերի 25-ին` ժամը 15.15, մարմարյա սրահում տեղի կունենա Մեդիա+ ամենուրբաթյա ցուցադրություն և, ուշադրություն, «Աշուն» մեդիաօլիմպիադայի փակումը: Բայց չշտապեք տխրել, քանի որ շուտով կմեկնարկի մեդիաօլիմպիադա «Ձմեռը»:
Ամեն մի միջոցառումից հետո հասկանում եմ, թե ինչ հրաշալի ու յուրահատուկ կրթահամալիր ունենք: Այնքան գեղեցիկ է, երբ ամեն անգամ մեր Մարմարյա սրահը լցվում է ուրախությամբ, երգ ու պարով, ամենուրեք լսվում են երեխաների խինդն ու ծիծաղը, շուրջ բոլորը ժպիտներ են ու զվարթ դեմքեր:
Ճիշտ է կրթահամալիրը միշտ է տոնական, բայց Սեբաստացու օրերն այն ավելի են կրկնապատկել:
Մխիթար Սեբաստացու օրերը շարունակվում են, շարունակվում են նաև լրագրողական վարպետության դասերը: Այսօր երկրորդ օրն էր, դասը վարում էր կրթահամալիրի շրջանավարտ Լիլիթ Բլեյանը:
Երեք տարբեր մարդիկ, երեք աշխարհայացք, երեք իսկական մասնագետ: Երեքն էլ` տարբեր, բայց միևնույն ժամանակ` երեքն էլ լրագրող, ովքեր նոյեմբերի 16-ին կրթահամալիրի Փոքր դահլիճում տեղի ունեցող լրագրողական դասերը դարձրին և՛ արդյունավետ, և՛ հետաքրքիր: Ամեն մեկն իր կերպով ներկայացրեց լրագրողական աշխատանքն ու օգտակար խորհուրդներ տվեց:
