Ինչպես ավելի վաղ տեղեկացրել էինք, կրթահամալիրի «Ապոլլոն» գիտակների ակումբի թիմը մասնակցում է «Երկիր Մեդիա» հեռուստաընկերության կողմից կազմակերպվող «Զարթոնքի սերունդ» ինտելեկտուալ հաղորդաշարին: Այսօր կրթահամալիրի գիտակների ակումբի թիմն իր ուժերը չափեց Երևանի 2-րդ ավագ դպրոցը ներկայացնող «Վահագն» թիմի հետ և 10 հնարավորից վաստակելով 9-ը, արդյունքում հաղթեց խաղը 9-2 հաշվով և անցավ հաջորդ` քառորդ եզրափակիչ փուլ: