Բարև իմ կրթահամալիր: Ես Արեգն եմ, 3 տարեկան: Մեծերն ասում են, որ երեխաները ուզում են նմանվել իրենց ծնողներին: Երևի դա է պատճառը, որ ես ժամերով նայում եմ, թե ինչպես է իմ հայրիկը նկարում: Ճիշտն ասած մեկ-մեկ էլ խանգարում եմ հայրիկիս: Դե ոչինչ, ինձ էլ իմ փոքրիկ քույրիկն է նկարելուց խանգարում: Չեմ իմանում կդառնամ նկարիչ թե բժիշկ, բայց ես սիրում եմ նկարել: Ծնողներս ասում են կմեծանաս, կգնաս դպրոց և այնտեղ էլ շատ-շատ կնկարես:
Սովորաբար, մենք` երեխաներս, խաղալով լսում ենք այն ամենը, ինչ որ խոսում են տանը: Հաճախակի հայրիկս ընկերների հետ խոսելիս ափսոսանք է հայտնում, որ մեր դպրոցներում շատ քիչ են տրամադրված նկարչության ժամերը, սակայն ուրախալին այն է, որ մեր կրթահամալիրում ոչ միայն մեծ ուշադրություն են դարձնում Մխիթար Սեբաստացու պատգամին` պահպանել հայ մշակույթը, այլև տնօրինության ուշադրության կեն տրոնում է Գեղարվեստի դպրոց: Իմ ծնողները ինձ անպայման կբերեն այդտեղ սովորելու:
Տիար Բլեյան խնդրում եմ պահպանեք Ձեր կողմից ստեղծված Գեղարվեստի դպրոցը, որ ես շուտ մեծանամ ու գամ դպրոց:
Արեգ Հակոբյան
Լուսինե Մամիկոնյան (մայրիկ)
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
