Մոտենում է մեր առաջին Հանրապետության տոնը: Ի՞նչ եք ասում, նոր բարձունքներ չհաղթահարե՞նք:
Սեպտեմբերին մենք միայն մի քանիսը նվաճեցինք, իսկ մեր Հայրենիքը բազում բարձունքներ ունի, որ սպասում են մեզ: Սպասում են մեր դրոշին, որ իրենց գագաթին է ծածանվելու:
Ի´նչ եք կարծում, չարժե պատվել մեր լեռները մեր ներկայությամբ, մեր երգով, մեր վստահությամբ, որ պիտի գոչենք` մենք ենք մեր Հայրենիքի տերը: Հայոց լեռներ, ես հայորդի եմ, Հայկի ժառանգն եմ ու տեր եմ իմ ժառանգությանը:
Դե, ուրեմն եկեք պատրաստվենք, բավական ժամանակ կա մինչև մայիսի 28-ը, ավելացնենք մեր ճամփորդությունների աշխարհագրությունը` Արցախով, Արևմտահայաստանով, մեր Հանրապետության քիչ ու շատ հայտնի, հեշտ ու դժվար հաղթահարվող գագաթներով:
Տիար Բլեյանի առաջարկով մեկնարկում ենք «Հաղթահարենք գագաթները» նախագիծը: Շուտով կներկայացնենք առաջարկներ, սակայն սպասում ենք ձեր առաջարկներին, խորհուրդներին ու կարծիքներին:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
