Էկոլոգիական նախագծերի ամենամյա 2-րդ մրցույթ[1]
Ապրիլի 26-28
Էկոտուրը 8-12-րդ դասարանցի սովորողների խմբերի բաց մրցույթ է, որի միջոցով մասնակիցները հասարակության և իշխանությունների ուշադրությունն են հրավիրում բնապահպանական խնդիրների վրա և առաջարկում են իրենց լուծումները: էկոտուրին կարող են մասնակցել Երևանի, հանրապետություն մարզերի հանրակրթական հաստատությունների սովորողների խմբերը` ուսուցչի հետ կամ առանց ուսուցչի:
Էկոտուրին մասնակցության հայտ ներկայացնող խումբը մինչև մրցույթը պատրաստում է նյութեր` տրված բոլոր թեմաներով.
1. Մթնոլորտի աղտոտումը Հայաստանի Հանրապետությունում
2. Բնական և տեխնածին աղետներ Հայաստանի Հանրապետությունում
3. Թափոններ, աղբի հիմնախնդիրը
4. Ճառագայթումը մեր շրջապատում
5. Ջուր, անձրևաջրերի և հալոցքաջրերի օգտագործումը, քաղցրահամ ջրի հիմնախնդիրը
6. Սննդային թունավորումներ, մոդիֆիկացված օրգանիզմներ
7. Տերևաթափ և շրջակա միջավայրի էկոլոգիա
8. Ընդերքի ռեսուրսների անխնա օգտագործումը և էկոլոգիական հետևանքները
9. Աղմուկը և մեր առողջությունը
10. Էներգախնայողությունը մեր բնակավայրում
Ժամանակացույց
Մրցույթի աշխատակարգ
Մասնակիցները մրցում են 3-ական խմբերով, երեքական փուլով:
Փուլ 1: Առաջինը ներկայացնող թիմն է. նա ներկայացնում է վիճականությամբ ընտրված առաջին թեման:
Երկրորդ թիմը ընդիմադիրն է, որը հետո հարցեր է տալիս, դիտարկում, ճշտում և լրացնում:
Երրորդ գնահատող թիմը գնահատում է երկու թիմերի աշխատանքը:
Փուլ 2: Թիմերը փոխում են դերերը և վիճակահանությամբ ընտրվում է երկրորդ թեման:
Փուլ 3: Թիմերը փոխում են իրենց դերերը և վիճակահանությամբ ընտրվում է երրորդ թեման:
Երեք փուլերի աշխատանքը գնահատում և ամփոփում է մասնագիտական անկախ հանձնաժողովը, որի կազմում ընդգրկվում են հանրապետության` այս ասպարեզի հայտնի մասնագետները:
Գնահատվում է թիմի` հիմնախնդրին վերաբերող գիտելիքները, աշխատանքի հետազոտական բնույթը, ինքնուրույն կատարումը, ներկայացման ձևը, հարցերի մանրամասն քննարկումը, առաջարկվող կիրառական լուծումները, համատեղ աշխատելու ունակությունը, միմյանց օգնելու կարողությունը:
Հաղթող թիմերից ընտրվում է հավաքական թիմ, որը Հայաստանը կներկայացնի Վրաստանում կայանալիք երիտասարդ էկոլոգների միջազգային էկոտուրին կամ կմասնակցի 5-օրյա միջազգային օլիմպիական ճամբարի:
[1]Տեղեկանք:Հայաստանում դպրոցականների առաջին էկոտուրը անցկացվել է 2011թ. ապրիլի 26-30-ին Երևանի «Մխիթար Սեբաստացի»կրթահամալիրում, որն ունի էկոլոգիական լավ ավանդույթներ, մասնակցել է էկոլոգիական տարբեր ծրագրերի, այդ թվում` միջազգային, շահել և իրագործել է «Մաքուր համայնք» դրամաշնորհը, միշտ ուշադրության կենտրոնում է պահում միջավայրի մաքրությունը, թղթի թափոնների հավաքումը, թափոնների երկրորդական օգտագործումը: