Հաշվետու պատումը ներկայացնում է մարզիչ Նաիրա Հարությունյանը․
Հունվարի 20-ին միջին դպրոցի սովորողների և ընկեր Գոհարի հետ ճանապարհ ընկանք` Երևանից-Զանգակատուն-Արենի-Արատես-Արտաբույնք: Գիտեինք, որ հոյակապ ճամփորդություն ենք ունենալու և սպասելիքները արդարացան: Ճամփորդության նպատակը մարզական ձմեռային խաղերն էին, լավաշթխիկի ծեսը, շաբաթ օրվա մկրտության ծեսի բանահավաքչությունը, ձմեռային ֆուտբոլը, այցելություն Արտաբույնքի մատուռները:
Արտաբույնքի միջնակարգ դպրոցի սովորողները իրենց մարզչի՝ ընկեր Ագապիի հետ միացան մեզ, միասին բարձրացանք դեպի ձնառատ Արատես, մարզական խաղերը միասին անցկացնելու համար: Չէինք պատկերացնում, որ չոր և անհրապույր ճանապարհից հետո, կտեսնենք այսպիսի Արատես: